Bulardan tashqari, tovush o'zgarishlarining yana quyidagi ko’rinishlari mavjud

Z-s undoshlari

Z (z) harfi til oldi, sirg‘aluvchi, jarangli undosh tovushni ifodalaydi. Jonli nutqda so‘z oxirida kelgan z tovushi jarangsizlanib, s tovushiga moyil talaffuz qilinadi, biroq asliga muvofiq z yozilaveradi: boramiz-boramis, og‘iz-og‘is kabi. Bu holatni z bilan tugallangan o‘zakka jarangsiz undoshlar qo‘shilganda ham kuzatish mumkin: yuz so‘m-yus so‘m, so‘zsiz-so‘ssiz, izchil-ischil kabi.

S (s) harfi til oldi, sirg‘aluvchi, jarangsiz undosh tovushni ifodalaydi. E, i unlilaridan oldin kelganda yumshoq talaffuz etiladi: sezgi, sekin, silamoq, sim kabi.

J-sh undoshlari

J (j) harfl til oldi, qorishiq, jarangli undosh tovushni ifodalaydi. Sof o‘zbekcha so‘zlarda qorishiq tovush tarzida, forscha-tojikcha va ruscha o‘zlashmalarda sirg‘aluvchi tovush kabi talaffiiz qilinadi. Qiyoslang: jon, ajoyib, jajji, ajdar, mujda, janr. Jonli nutqda ch yoki sh tovushlariga moyil aytiladi, ammo asliga muvofiq j yoziladi. Masalan: toj-toch, boj-boch, ijtimoiy-ishtimoiy, garaj-garash, massaj-mas-sash kabi.

Sh (sh) harfl til oldi, sirg‘aluvchi, jarangsiz undosh tovushni ifodalaydi. Til oldi undoshlari bilan kelganda yumshoq, orqa qator unlilar bilan yonma-yon kelganda esa qattiq talaffuz qilinadi va shunday yoziladi. Masalan: shirin, ishkal, shol, sho‘x kabi.

Rus tili orqali o‘zlashgan so‘zlarda yumshoq va cho‘ziqroq aytiladi va doim sh yoziladi: plash, borsh, obshina kabi.