Bulardan tashqari, tovush o'zgarishlarining yana quyidagi ko’rinishlari mavjud

U (u) harfi lablangan, til orqa, yuqori tor unli tovushni ifodalaydi.

Quyidagi holatlarda u unlisi i tovushiga moyilroq aytilsa ham, u yoziladi:

- oldingi bo‘g‘inlarida a, o, u unlilardan biri bo‘lgan va shundan so‘nggi yopiq bo‘g‘in boshidagi v tovushidan keyin: qovun, ovul, tovuq, sovuq, tarvuz, quvur, chuvur-chuvur kabi;

- birinchi bo‘g‘inida u bo‘lgan so‘zlarning ikkinchi bo‘g‘inida: uzun, uzum, chumchuq,tushuncha, yulduz, yutuq, yumush kabi;

- birinchi bo‘g‘inida u bo‘lgan so‘zlarning keyingi ochiq bo‘g‘ini q yoki g‘ bilan boshlansa: bug‘u, urg‘u, uyqu, tuyg‘u, yog‘du kabi.

- Tarkibida u bo‘lgan bir bo‘g‘inli so‘zlarning oxirgi ikki undoshi o‘rtasida u aytilsa ham, yozilmaydi: umr, uzr, rukn, hukm kabi.

O‘ (o‘) harfi lablangan, til orqa, o‘rta-keng unli tovushni ifodalaydi. So‘zning ochiq bo‘g‘inlarida nisbatan kengroq, yopiq bo‘g‘inlarda esa torroq talaffuz qilinadi. Masalan: so‘lim, qo‘riq, to‘plam, ko‘krak kabi.