Bulardan tashqari, tovush o'zgarishlarining yana quyidagi ko’rinishlari mavjud

Ona tili (5-sinf)
Biror narsa hodisani boshqa bir narsa va hodisaga o‘xshatish orqali tasvirlab ifodalashga tasviriy ifoda deyiladi. Tasviriy ifodalar narsa va hodisalarning ikkinchi nomi hisoblanadi. Masalan: o‘rmon podshosi-sher.
Tasviriy ifodalar nutqimiz ta’sirchanligini ta’minlaydi. Masalan: ko‘zimning nuri, qalbim quyoshi, zangori kema, mo‘yqalam sohibi, salomatlik posbonlari, charm qo‘lqop ustasi, g‘azal mulkining sultoni, hayotimiz qomusi, zangori ekran, oq oltin, baraka urug‘i, yaylov bahodirlari, qanotli do‘stlar, qora oltin, kumush tola, o‘rmon malikasi, aql gimnastikasi, oltin boshoq, samo lochini, kumush choyshab, po‘lat ot, zangori olov, millionlar o‘yini, yashil maydon va b.
LEKSIKOGRAFIYA
Lug‘atlar va ularning turlari
Ona tili (5-sinf)
Tilimizdagi so‘zlarning alifbo tartibida joylashtirilishiga lug‘at, lug‘at tuzish qoidalarini o‘rganuvchi tilshunoslik sohasiga ega lug‘atshunoslik (leksikografiya) deyiladi.
Tildagi barcha so‘zlarning qanday ma’nolarni bildirishini tanishtiruvchi lug‘at izohli lug‘at hisoblanadi.
Bir tildagi so‘z ikkinchi tilda qanday so‘zga teng kelishini ko‘rsatuvchi lug‘at tarjima lug‘ati sanaladi.
So‘zlarning to‘g‘ri yozilishini ko‘rsatuvchi lug‘atga imlo lug‘ati deyiladi.
Lug‘at oldiga qo‘yilgan maqsadiga ko‘ra bir necha turlarga bo‘linadi; izohli lug‘at, tarjima lug‘ati, imlo lug‘ati va boshqalar.
Masalan:”U kim? Bu nima?" bolalar ensiklopediyasidan Samarqand maqolasi: Qadimiy madaniyat markazlaridan biri Samarqand 2500 yildan ortiqroq tarixga ega. Arxeologik qazilmalardan ma’lum bo‘lishicha, Samarqand dastlab Siyob daryosi sohilida qad ko‘targan.U So‘g‘diyona (So‘g‘d) davlatining poytaxti bo‘lib, so‘g‘dcha Smarakansa (ulug‘ shahar) deb yuritilgan.Yunonlar uni Marokanda deb atashgan…
AL va KHK darsligidan:
Leksikografiya lotincha leksikos «so‘z», grapho «chizmoq», «yozmoq» so‘zlaridan olingan bo‘lib, lug‘at tuzish amaliyoti va nazariyasi bilan shug‘ullanuvchi tilshunoslikning bo‘limidir.
Leksikografiya nazariyasining predmeti lug‘at tuzish tamoyillari va usullaridir.
Leksikografiya amaliyoti esa lug‘at tuzuvchilarning ishini tashkil etish, so‘zlarni kartochkalarga tushirish, sistemaga solish va saqlash singarilarni o‘z ichiga oladi.
Leksikografiya nazariyasida lug‘at turlari, so‘zlik tarkibi va so‘z maqolasining tuzilishi asosiy o‘rinni egallaydi.
Avvalo, lug‘atlar ikki turli bo‘ladi: 1) ensiklopedik (qomusiy) lug‘atlar, 2) filologik (lingvistik) lug‘atlar.