Бухоро давлат университети

Ёш балиқларнинг ҳаёт цикллари. Ёш балиқлар балиқ заҳирасининг асосий манбасини ташкил қилади. Ёш балиқларнинг кўпчилиги вояга етган балиқларнинг кўрсаткичи бўлиб ҳисобланади. Яхши ўсувчи балиқлар ҳам биринчи ва иккинчи ёшда кузатилади. Тажрибалар шуни кўрсатадики яхши озуқага бой бўлган жойда боқилганда (80 минг экз) балиқ сони камайиб кетган. Чунки 10 – 15 г зоғора балиқчалари судак, шерех, илонбош, лаққа каби йиртқичлар томонидан ейилади. Судак ошқозони ёриб кўрилганда катта миқдордаги ёш сазанлар чиққан (5 – 6 экз). Лекин ҳанузгача йиғилган адабиётларда ейилган зоғоралар судакнинг маҳсулдорлигига ижобий таъсир қилганми йўқми ёритилмаган.
Агар сазан ёш зотлари ҳаддан ташқари кўпайиб кетса озиқа етишмаса тўлиқ дистрофияга учрайди ва катта миқдорда ўлиб кетишига сабаб бўлади.
Ёш балиқлар биологиясини ўрганиш балиқ етиштириш учун асосий зарурий чоралардан биридир.
Г. С. Росс ёш балиқлар биологиясини ўрганишда бир қанча усулларни балиқчиликка киритган. У қуйидаги ривожланиш фазаларини кўрсатади.
А) Икра
Б) Личинка
В) шаклланмаган малёк
Г) Шаклланган малёк (балиқча) 3 – расм
Личинка – сариқлик халтаси бирлиги билан характерланади. Шаклланган малёк (балиқча) – сариқлик халтанинг йўқлиги билан ва орқа, ва орқа анал сузгич қанотларида нурларнинг йўқлиги билан характерланади. Бу стадия сариқ халтасининг сўрилиши ва орқа, анал сузгич қанотларида нурлар пайдо бўлиши билан характерланади. Шаклланган малёк (балиқча) нурлар пайдо бўлиши ва тангача билан қопланиши билан характерланади.
Росс балиқ ривожланиш фазаларини стадияларга бўлади. Икра йиғиш учун Кечи тўри тавсия этилади. (7 - расм)
I стадия сариқлик халтасининг борлиги билан ажралиб туради. Икрадан чиқиб то сариқ халта сўрилгунгача сариқлик ҳисобидан озиқланади ва пассив озиқланиш билан характерланади.
II стадия дум сузгичининг ҳосил бўлиши ёки шаклланишининг бошланиши. Хорда атрофида мезенхима элементлари тўпланади.
III стадия симметрик шаклдаги дум сузгичининг ҳосил бўлиши ёки шаклланиши, барча сузгичларда нурларнинг тўлиқ шаклланиши кузатилади.