Бухоро давлат университети

Қисқача хулосалар

Лойиха тахлилида инвестициялар деганда лойихаларни амалга ошириш учун сарфланадиган пул маблағлари тушунилади.

Иқтисодий мохиятига кўра, инвестициялар-асосий ва айланма капитални яратиш, кенгайтириш ѐки реконструкция қилиш ва қайта қуроллантириш учун қилинадиган харажатлардир.

Тижорат амалиѐтида физик активлар, пул

активлари ва номоддий активларга қилинган

инвестициялар ўзаро фарқланади. Таваккалчилик даражаси турлича бўлишига кўра, самарадорликни ошириш, ишлаб чиқаришни кенгайтириш, ялпи ишлаб чиқариш ва давлат талабларини қондиришга қилинадиган инвестициялар турланади.

Инвестиция харажатлари ЯММ таркибида мухим салмоққа эга бўлиб, унинг манбаи жамғармалар, шу жумладан, чет эл жамғармалари хамдир. Инвестицияларга талаб хажмини белгиловчи асосий омиллар фоиз ставкаси ва соф фойда меъѐридир. Инвестициялар, шу жумладан реал активларга қилинадиган инвестицияларнинг мақсадга мувофиқлигини бахолашнинг асосий мезони уларнинг фирма бойлигига қандай таъсир этиши хисобланади.

21

Инвестиция сиѐсати деганда белгиланган мақсадларга эришиш учун инвестиция манбаларини шакллантириш, уларни устувор сохаларга жалб қилиш, самарали ўзлаштириш учун кўриладиган чора-тадбирлар

мажмуаси тушунилади. Ўзбекистонда амалга оширилаѐтган инвестиция сиѐсати мустақилликнинг дастлабки йиллариданоқ ѐқилғи-энергетика ва дон мустақиллигини таъминлаш, иқтисодиѐтда таркибий ўзгаришларни амалга ошириш, экспорт салохиятини ошириш ва импорт ўрнини босувчи махсулот ишлаб чиқаришни кўпайтириш учун устувор сохаларни қўллаб-қувватлаш, чет эл инвестицияларини жалб қилиш учун очиқ эшиклар сиѐсатини олиб бориш кабиларга қаратилди.

Чет эл инвестициялари ривожланаѐтган давлатлар иқтисодиѐтини оѐққа қўйишнинг мухим омили бўлиб, асосий инвесторлар Рамбуйс клуби аъзолари бўлмиш етти давлатдир. Чет эл инвестицияларини жалб қилишнинг концессия, компенсация шартномалар каби услублари мавжуд. Чет эл инвестицияларини жалб қилиш зарурати мамлакатда инвестиция мухитини яхшилашни талаб этади.