Бухоро давлат университети ш. Р. Баротов, Л. Я. Олимов, О. Р. Авезов

Э.М.Мухторов – Бухоро давлат университети доценти,
психология фанлари номзоди.


ISBN 978-9943-3816-7-4


© “Наврўз” нашриёти, 2019
СЎЗ БОШИ
Йигирма биринчи асрда инсон омилининг ўрганилиши ва тадқиқ қилиниши билан боғлиқ психологик талаблар бир мунча такомиллашиб бормоқда. Чунки, инсон том маънода ижтимоий мавжудот бўлганлиги боис, унинг шаклланиши ва шахс сифатида тараққиёти энг аввало унга таъсир этувчи объектив ва субъектив оламнинг оламнинг ўзига хос имкониятлари билан белгиланади. Шу имкониятлар тизимини ўрганиш ва тадқиқ қилиш бугунли психологлар олдида турган энг муҳим вазифалардан бири бўлиб қолмоқда. Шу маънода фан дастури асосида яратилган мазкур дарслик олий ўқув юртларининг 5110900-Педагогика ва психология балакавриат таълим йўналишида таҳсил олаётган талабалардаги психологик билим ва малакаларни янада мустаҳкамлашга хизмат қилади.
Дарслик асосан модулли тизим талаблари асосида яратилган бўлиб, ҳар бир модул таркибига кирувчи мавзулар Психология назарияси ва тарихини тўлиқ ва батафсил очиб берувчи тушунчалар, кўникмалар ҳамда илмий мушоҳадаларни ўз ичига олади. Бинобарин, мазкур фанни тўлиқ ўзлаштирган ҳар бир талаба Мутахассисликка кириш (1-модул), Психология тарихи (2-модул), Умумий психологияга кириш (3-модул), Когнитив психология (4-модул), Ҳиссий-иродавий соҳа психологияси (5-модул), Индивидуал фарқлар психологияси (6-модул) каби фундаментал билимларга эга бўлади. Табиийки, ушбу билимлар эса талабаларнинг бошқа мутахассислик фанларини пухта ўзлаштиришлари учун ўзига хос замин яратади.
Мазкур дарслик ҳозирги замон психологиясининг энг янги ютуқлари, илмий мушоҳадаларига таянувчи назарий ва амалий билимлар, тамойиллар асосида яратилган.


I БЎЛИМ (МОДУЛ). МУТАХАССИСЛИККА КИРИШ.
I-БОБ. КАСБЛАР ВА ПРОФЕССИОНАЛИЗМ. МУТАХАССИСЛИККА КИРИШ. ФАНИНИНГ ЎЗИГА ХОС ХУСУСИЯТЛАРИ
Таянч тушунчалар: профессиограмма, касб танлаш,, консултация, профессионаллик, эмпирик тадқиқотлар, интерпритация, индивид, шахс.