Бухоро давлат университети жисмоний маданият факультети

 
ХОТИН-ҚИЗЛАР СПОРТИ БАРКАМОЛ АВЛОДНИ ТАРБИЯЛАШ ХИЗМАТИДА 
Элибаева Л.С.,
 катта ўқитувчи, Бухоро давлат университети, Бухоро ш. 
Ўзбек ҳалқи ўз тарихида ҳам ақлан, ҳам жисмонан баркамол, бақувват фарзандларига меҳр 
кўрсатишгина эмас, балки бутун Эл юрт, миллат озодлиги йўлида жон олиб жон беришга қодир 
фидоий инсонлар кўп кўрган. Уларнинг ёрқин ва сўнмас сиймоларини бадиий асарларга олиб кирган. 
Достонлардан ўрин олган Алпомиш, Барчиной, Тўмарис, Фарход каби жасур қаҳрамонлар билан 
фахрланишган. Юртбошимиз ибораси билан айтганда «Не-не баходирларнинг елкасини ерга теккизган 
афсонавий Алпомиш, забардаст Фарход ҳақидаги ривояту достонлар, афсона эмас, ҳалқ рухининг, ҳалқ 
мардлигининг тимсолидир». Жаҳонга машхур аждодларимиз буюк давлат арбоби, саркарда Амир 
Темур, Бобур Мирзо, Мирзо Улуғбек, Жалолиддин Мангуберди нафақат ўзлари пахлавонлик мардлик 
адолатлилик инсонпарварлик, илм фан бобида ўрнак бўлганлар, балки ўз аскарлари, бўлажак эл юрт 
химоячилари тарбиясига алоҳида эътибор берганлар. Башарият ривожланишида ва унинг порлоқ 
келажагига беқиёс хисса қўган аждодларимиз Ал Хоразмий, Ал Беруний, Абу Али ибн Сино, Ал 
Фарғоний, Навоий, Фурқат каби кўпдан кўп олиму алломаларимиз ҳамда диният илмида донг таратган 
оламга машхур Ал Бухорий, Баховуддин Нақшбанд, Ахмад Яссавий каби уламоларимиз ҳам ёшларга 
маънавий ва жисмоний тарбия бўйича сабоқ берганлар. Яқин ўтмишимиз мутафаккир маърифатчилари 
бўлган Абдулла Қодирий, Абдулла Авлоний, Фитрат, Чўлпон, Бехбудий, Усмон Носир ва бошқа 
кўпгина алломаларимизнинг рисолаю ўгитлари ёшлар хаёти ва тарбияси билан чамбарчас боғлиқ, 
лекин Собиқ иттифоқ даврида улуғ аждодларимизнинг бебаҳо маданий маърифий мерослари илм 
фанга оид мангу долзарб асарлари ҳамюртларимиз, ёшларимиз онгига ўзгача талқин билан тақдим 
этилган, улранинг маънавий маданий, хатто жисмоний шаклланишида ҳам катта тўсиқларга 
учраганлар. 

---