Бухоро давлат университети илм ва эзгулик бухоро – 2016

ЮКСАКЛИККА ЭРИШГАН РУҲШУНОС ОЛИМ


Саид Равшан,
ёзувчи

Шарифжонни ёшлигидан танийман, жуда тиришқоқ, меҳнаткаш йигит. Йиллар ўтди, Шарифжон фан оламига кириб келди ва ўзининг ҳалоллиги, виждонан иш кўриши, касбига бўлган садоқати ва тинимсиз меҳнатларини кузатиб, унда юксакликка эришган олимлар сиймосини кўрдим.

Инсон ҳаётида уч нарса: бахт, омад ва юксалиш каби жиҳатлар мавжуд бўлиб, одамлар шу уч нарсани қайсисигадир эга бўлишади. Шарифжон эса ўзининг тинимсиз меҳнати билан учала жиҳатга ҳам эришган олимдир. Кўплаб илм соҳиблари каби Шарифжон ҳам илм чўққиларига интилаётган олим. Мен Шарифжоннинг илмий йўлини тоққа ўхшатаман, тоғ баланд, барқарор. Алпинистлар тоғни ўзигамас, чўққисига интилишлари каби Шарифжон ҳам илм чўққиларини барқарор тарзда забт қилиб бораётган заҳматкаш олимдир.
Шу нуқтаи назардан, таъбир жоиз бўлса айтиш керакки, психология фанлари доктори, профессор Шарифжоннинг бугунги кунда руҳшунослик илмида эришган ютуқлари, ташкилотчилиги, илм йўлидаги фидоийлиги билан олимлар орасида юксак нуфузга ва салоҳиятга эга эканлигини алоҳида таъкидлашим жоиз.
Руҳшунослик илмига ҳамма бир хилдай қизиқиши ҳаммамизга маълум. Шу сабабли ҳам мен Шарифжонни рухшунослик илмидаги фаолиятини мунтазам равишда кузатиб бораман. Шарифжон ўзининг тинимсиз меҳнати ва илмий-тадқиқот натижаларига таъяниб, 1998 йилда “Ўзбекистонда психологик хизмат ташкил этилишининг илмий-амалий ва ижтимоий-психологик асослари” мавзусида ёзган докторлик диссертациясини муваффақиятли ҳимоя қилди. Бу барчамиз ва шу жумладан, фан вакиллари учун ҳам жуда катта фахр ва ифтихор эди. Шарифжон зангори экранларда чиқиш қилганларида инсонларни виждонли бўлишга, ҳалол бўлишга чақириқларини эштаман ва жуда хурсанд бўламан. Шарифжонга узоқ умр, сиҳат-саломатлик ва янада кўпроқ илмий баркамолликлар тилаб, бепоён, чексиз, чегарасиз илм йўлидаги юксакликка эришишда куч қувват тилайман. Шу билан бирга заҳматкаш ва меҳнаткаш олим Шарифжон ўз шогирдларига янада меҳрибон бўлсин, ўзининг юксак савиядаги илми ва шахсий хислатларини мерос қилсин. Илмий изланишларда давом этсин, илм чўққиларини забт этишдан ҳеч қачон тўхтамасин.