Бухоро- 2022 Ўзбекистон республикаси олий ва ўрта махсус таълим вазирлиги бухоро давлат университети

Билим назорати учун рейтинг саволлари.

1. 
   Тўлқин узунлигига кўра неча хил нурлар мавжуд? Ёруғлик нурлари спектрини изоҳлаб беринг.
   
2. 
   Спектр анализ турлари ва моҳияти ҳақида нима биласиз?
   
3. 
   УБ (электрон) спектроскопия усули мазмун моҳияти нимадан иборат?
   
4. 
   Электромагнит нурланиш спектрлари ҳақида нима биласиз?
   
5. 
   Молекула ички тебранма ва айланма спектроскопия усулларининг умумий асослари ҳақида маълумот беринг.
   
6. 
   Комбинацияланган ва инфрақизил нурларга асосланган спектроскопия усуллари моҳиятини сўзлаб беринг.
   
7. 
   ЭПР ва ЯМР – спектроскопия усуллари негизида қандай ҳодиса ва жараёнлар ётади?
   

Х. КРИСТАЛЛ ВА МОРФОЛОГИК ТУЗИЛИШЛАРНИ ТАҲЛИЛ ВА ТАДҚИҚ ҚИЛИШ ФИЗИК УСУЛЛАРИ
Инсоният ўз тарихий ривожланиши давомида дастлаб табиатда мавжуд бўлган хилма-хил модда маҳсулот ва материаллардан кенг фойдаланилган. Ҳозирги пайтда улар кимёвий синтез йўллари билан олинадиган ва амалда кенг миқиёсда ишлатилаётган полимер (пластмасса) материаллари ҳам барчаси ўзига хос ички тузилишларга эга. Улар орасида кимёвий таркиби бир хил, аммо хоссалари ва ишлатилиш жиҳатлари ҳар хил бўлганлари ҳам бор, масалан, қора куя (кўмир кукуни), графит ва олмос тоши. Уларнинг ҳар жиҳатдан ўзаро кескин фарқланиши асосан ички тузилишлари сабабдир, бошқача айтганда, молекулаларнинг бир-бирига нисбатан маълум таркибда ёки тартибсиз жойлашишига қараб мазкур карбон маҳсулотлари хоссалари бир-бирига асло ўхшамайди.
Олдинги мавзуларда атом ва молекулалар тузилиши бўйича ва уларни аниқлаш усуллари ҳақида батафсил маълумот берилган эди. Энди, атом ва молекулаларнинг ўзаро жойлашишига қараб содир бўладиган, ички тузилиш (тузилма) ларни таҳлил ва тадқиқ қилиш йўл ва усуллари масалалари бўйича фикр юритамиз. Дастлаб, модда (ёки материал) ички тузилишларини аниқлайдиган мавжуд замонавий физик усуллари ҳақида маълумот беришдан олдин, ички тузилмалрнинг ўзи қандай шакл ва кўрсаткичларга эга бўлиши хусусида мавжуд умумий тушунчаларни баён этамиз.