Бухгалтерия ҳисобининг халқаро стандарти 1

Фойда ёки зарар ва бошқа умумлашган даромадлар тўғрисидаги ҳисобот
81 [Ўз кучини йўқотган]
81A Фойда ёки зарар ва бошқа умумлашган даромадлар тўғрисидаги ҳисобот (умумлашган даромадлар тўғрисидаги ҳисобот), фойда ёки зарар ва бошқа умумлашган даромадлар бўлимларига қўшимча тарзда, қуйидагиларни тақдим этиши лозим:
(a) фойда ёки зарар;
(б) жами бошқа умумлашган даромадлар;
(в) жами фойда ёки зарар ва бошқа умумлашган даромадларни қамраб олган ҳолда, давр учун умумлашган даромадлар.
Агар тадбиркорлик субъекти алоҳида фойда ёки зарар тўғрисидаги ҳисоботни тақдим этса, у умумлашган даромадларни акс эттирадиган ҳисоботда фойда ёки зарар бўлимини тақдим этмайди.
81Б Тадбиркорлик субъекти, фойда ёки зарар ва бошқа умумлашган даромадлар бўлимларига қўшимча тарзда, давр фойдаси ёки зарари ва бошқа умумлашган даромадларининг тақсимланиши сифатида қуйидаги моддаларни очиб бериши лозим:
(a) қуйидагиларга тегишли бўлган давр фойдаси ёки зарари:
(i) назорат кучига эга бўлмаган улушлар, ва
(ii) бош ташкилотнинг мулк эгалари.
(б) давр учун қуйидагиларга тегишли бўлган умумлашган даромадлар:
(i) назорат кучига эга бўлмаган улушлар, ва
(ii) бош ташкилотнинг мулк эгалари.
Агарда тадбиркорлик субъекти фойда ёки зарарни алоҳида ҳисоботда тақдим этса, у (а) ни ушбу ҳисоботда тақдим этиши лозим.
Фойда ёки зарар бўлимида ёки фойда ёки зарар тўғрисидаги ҳисоботда тақдим этиладиган маълумотлар
82 Бошқа МҲХСларда талаб этилган моддаларга қўшимча тарзда, фойда ёки зарар бўлими ёки фойда ёки зарар тўғрисидаги ҳисобот давр учун қуйидаги суммаларни акс эттирадиган, сатрларда кўрсатиладиган моддаларини ўз ичига олиши лозим:
(a) одатдаги фаолиятдан олинадиган даромад;
(aa) амортизацияланган қиймат бўйича ҳисобга олинадиган молиявий активларни тан олишни тўхтатишдан юзага келадиган фойда ва зарарлар;
(б) молиявий харажатлар;
(в) улуш бўйича ҳисобга олиш усули бўйича ҳисобга олинган қарам тадбиркорлик субъектларининг ва қўшма корхоналарининг фойда ёки зараридаги улуши;
(вa) агар молиявий актив қайта таснифланиб, ҳаққоний қиймат бўйича ҳисобга олинадиган бўлса, олдинги баланс қиймати билан унинг қайта таснифлаш санасидаги ҳаққоний қиймати ўртасидаги фарқдан юзага келадиган ҳар қандай фойда ёки зарар (МҲХС 9 да таърифланганидек);
(г) солиқ харажати;
(д) [ўз кучини йўқотган]
(дa) жами тугатилган фаолиятлар бўйича ягона сумма (МҲХС 5 га қаранг).
(е–и) [ўз кучини йўқотган]