Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

Х 19 Юк эгаси ва №

Контейнерларда юк ташилганда вагоннинг кимга тегишлилиги ва контейнер тартиб рақами кўрсатилади. Тегишлилик белгисини кўрсатишда лотинча катта ҳарфлардан фойдаланилади.

Темир йўлларга тегишли бўлмаган контейнерлар учун контейнер тартиб рақамидан сўнг катта "Р" лотинча ҳарфи кўрсатилади.
Темир йўлга тегишли бўлган ташиш мосламалари ва воситаларини қўллашда тегишлилик белгиси ва зарур бўлган жойларда ташиш воситалари ва мосламаларининг тартиб рақами кўрсатилади.
Темир йўлга тегишли бўлмаган ташиш воситалари ва мосламалари қўллашда ташиш воситаси ёки мосламасининг белгиси ва тартиб рақми бўлган ҳолларда катта "Р" лотинча ҳарфи қўйилади.
Бу маълумотларни киритиш учун жой етарли бўлмаганда 7-модда 12§ асосида қўшимча варақлар тайёрланади.


Х 20 Қуйидаги транзит ташишлар учун жўнатувчи томонидан тўловлар қабул қилинди

СМГС 15-моддасига кўра жўнатувчи 8-графадаги изоҳлар асосидаги тўловларни ўз зиммасига олган транзит темир йўлларнинг қисқартма номлари келтирилади.

Агар жўнатувчи ҳеч қайси транзит темир йўл бўйича тўловларни ўз зиммасига олмаса, у "ЙЎҚ" деган белги қўйиши керак.
Рақамли кодлар графасида жўнатувчи томонидан юк ўтиши тартибида келтирилган транзит темир йўлларнинг коди кўрсатилади.
Темир йўллар учун қуйидаги кодлар қўлланилади:
АЗ -57
БЧ -21
БДЖ -52
ДСВН -32
ГР -28
КЗХ -27
КЖД -33
ЗЧ -30
КРГ -59
ЛДЗ -25
ЛГ -24
ЧФМ -23
МТЗ -31
ПКП -51
РЖД -20
ТДЖ -66
ТРК -67
УТЙ -29
УЗ -22
ЭВР -26
Х 21 Жўнатма тури

Кераксизи ўчирилади (СМГС 8-моддаси §1).

Х 22 Ортилди

Кераксизи ўчирилади (СМГС 9-моддаси §4).

Х 23 Жўнатувчи томонидан илова қилинган ҳужжатлар
Жўнатувчи томонидан юк хатига илова қилинган барча ҳужжатлар келтирилади (четга юк олиб чиқишга рухсат, божхона ва бошқа қоидаларни бажариш учун зарур бўлган ҳужжатлар, сертификат, юк хатининг қўшимча варақлари ва ҳ.к.).
СМГСнинг 7-моддаси §12 асосида юк хатига қўшимча варақлар илова қилинганда махсус графада илова қилинган варақлар сони ҳақида белги қўйилади.