Budjet hisobi va g’aznachilik ishi” kafedrasi “budjet hisobi” Fanidan O’quv–uslubiy majmua

Buxgalteriya o‘tkazmalari matrizasi :

№	Muomalalar mazmuni	Dt	Kt	Asos bo‘luvchi xujjat
1.	Hisobot yilida Budjetdan mablag‘ oluvchilarning Budjetdan tashqari boshqa mablag‘lari hisobidan amalga oshirilgan kassa xarajatlarini natijalarga o‘tkazish	099	029	Buxgalteriya ma’lumotnomasi, m/o
2.	Budjetdan mablag‘ oluvchilarning Budjetdan tashqari boshqa mablag‘lari hisobiga tushgan mablag‘larni natijalarga o‘tkazish	049	099	Buxgalteriya ma’lumotnomasi, m/o

3.Davlat budjeti ijrosi bo‘yicha davriy hisobotlarni shakllantirish.
Davlat maqsadli jamg‘armalari budjeti ijrosi bo‘yicha davriy hisobotlarni shakllantirish.
Moliya organlari belgilangan tartibda buxgalteriya hisobi ma’lumotlari asosida Davlat budjeti ijrosi to‘g‘risidagi hisobotlar tuziladi. Bunda O‘zbekiston Respublikasi moliya vazirligi buyrug‘i bilan tasdiqlangan shakllarda va muddatlarda Davlat budjeti ijrosi to‘g‘risidagi hisobotlar tuzadi va taqdim etadi.
Belgilangan tartibda moliya organlari budjet ijrosi bo‘yicha oylik, choraklik va yillik buxgalteriya hisobotlarini tuzadi.
Qoraqalpog‘iston Respublikasi va mahalliy budjetlar ijrosi bo‘yicha oylik hisobot shaklida budjetning daromadlari va xarajatlari ijrosi to‘g‘risidagi asosiy ko‘rsatkichlar beriladi. Hisobotda budjet xarajatlari ham budjet tasnifi bo‘yicha aks ettirilib, unda aniqlangan reja, kassa xarajatlari, qabul qilingan yuridik majburiyatlar, moliyaviy majburiyatlar hamda bajarilishi foizda ko‘rsatiladi va farqi aks ettiriladi. Ushbu hisobotda budjet Davlat maqsadli jamg‘armalari, boshqa budjetdan tashqari jamg‘armalar mablag‘larning hududiy g‘azna schyotlaridagi, g‘azna tranzit schyotlaridagi qoldiqlari aks ettiriladi. 
Budjet ijrosi to‘g‘risidagi yig‘ma oylik hisobotlar tegishli moliya organlari tomonidan o‘zlari ijro etayotgan budjet ijrosi to‘g‘risidagi hisobot ma’lumotlariga quyi budjetlarning ijrosi to‘g‘risidagi hisobot ma’lumotlarini ham qo‘shish yo‘li bilan tuziladi.
Moliya organlari choraklik hisobotni tegishli shakllarda o‘sib boruvchi yakun bo‘yicha tuzadi.Moliya organlarida budjet ijrosi to‘g‘risidagi choraklik hisoboti tarkibiga quyidagilar kiradi: