Бу фан ўзининг ривожланишида бир нечта босқичлардан ўтган

Автоматлаштиришнинг ривожланиш боскичлари.
Хар қандай ривожланган ишчи машина 3-та асосий механизмлардан ташкил топади:
-харакатлантирувчи;
-узатувчи;
-бажарувчи (ижро этувчи).
1-чи боскичга ишчи циклини автоматлаштириш киради ва бу босқичда автомат ва яримавтоматлар яратилади.
2-боскич-машиналар системасини автоматлаштириш, хар хил ишлов бериш, текшириш, йигиш ва қадоқлаш операцияларини бир йўла бажарадиган автомат линиялар яратиш.
Автомат тизим-машиналар системаси бўлиб, улар технологик кетма-кетликда жойлашади, ташиш ва бошкариш воситалари ёрдамида бирлаштирилади, созлашдан ташқари барча операцияларни автоматик бажаради.
Автоматик тизимни бошқариш системаси мураккаб эканлиги бу муаммони ечишга янгича ёндашишни талаб этди. Гидравлик, пневматик ва электрон қурилмалардан фойдаланишга асосланган янги бошқариш системалари вужудга келди. Автоматик текшириш усуллари яратилди.
Иккинчи боскичда автоматлаштиришнинг олий формаси яримавтомат ва автоматлардан тузилган комплекс поток тизимларидир.
3-боскич-жараёнларини комплекс автоматлаштириш автомат цехлар ва заводлар яратиш.
Автоматик цех ёки завод асосий ишлаб-чикариш жараёнлари автоматик бошқариш системалари, хисоблаш техникаси, ва хакозолардан фойдаланиб автомат линияларда бажариладиган цех ёки заводдир.
3. Ишлаб-чиқариш жараёнларининг автоматлаштириш даражасини микдорий бахолаш кўрсаткичлари.
Асосий кўрсаткичлари:
Механизациялаштирилган ишда ишчиларнинг қатнашиш даражаси;

1. 
   Умумий мехнат сарфида автоматлаштирилган механизациялаштирилган мехнатнинг улуши;
   
2. 
   Ишлаб-чикариш жараёнларининг автоматлаштириш даражаси.
   

Халқ хўжалигининг турли сохаларида ишлаб – чикаришни автоматлаштиришнинг ўзига хос хусусиятлари.
Ишлаб-чиқаришини автоматлаштириш фан – техника тараккиётининг жадаллаштиришнинг асосий йўли, бутун халқ хўжалигини техника билан қайта қуроллантириш асосидир.
Халқ хўжалигининг турли сохаларида ишлаб-чиқариш жараёнларини автоматлаштиришнинг ўзига хос томонларини кўриб чикаётганда куйидаги асосий қоидаларини ёдда тутиш лозим:
-хар бир ишни охирига етказиш учун вақт ва меҳнат талаб этилади;
-ишлов беришнинг асосий жараёнларига (шакл бериш, текшириш, йигиш) сарфланган вақт унумли хисобланади;
-узлуксиз ишлайдиган, хизмат муддати чексиз бўлган ва абсолют ишончли машина идеал машина саналади.
Меҳнат унумдорлигини ошириш янги техникани, уни жорий қилишнинг иқтисодий самарадорлиги ва мақсадга мувофиклигини баҳолаш мезонидир.


Мунозара ўтказиш (МЎ)


Мехнат унумдорлигини турли йўллар билан ошириш мумкин:

1. 
   замонавий автоматлаштириш воситаларидан фойдаланиш хисобига, бунда дастгохда ишловчи ишчилар сони кескин камаяди;
   
2. 
   жихознинг иш унумини кескин ошириш эвазига, бу энг кенг таркалган ва илгор усулдир;
   
3. 
   ишлаб-чикариш технологиясини ўзгартирмасдан, янги жихозга маблағ сарфламасдан, меҳнатни ташкил этиш хисобига;
   
4. 
   жихозни нархини арзонлаштириш агрегат дастгохсозликни, йирик сериялаб ва поток усулда ишлаб-чикаришни ривожлантириш, автоматлаш-тиришнинг турли воситаларини яратиш эвазига.
   

Ишчи машиналарининг ривожланиш боскичлари.

1. 
   қўлда бажарилувчи универсал дастгохлар.
   
2. 
   универсал автоматлар ва ярим автоматлар.
   
3. 
   махсус ва махсуслаштирилган автомат ва ярим автоматлар.
   
4. 
   Агрегат дастгохлар.
   
5. 
   Агрегат дастгохлардан ташкил топган автоматик линиялар.
   
6. 
   Универсал дастгохлардан ташкил топган автоматик линиялар.
   
7. 
   Махсус дастгохли АЛ.
   
8. 
   Дастур билан бошкарилувчи дастгохлар ва АЛ.
   

Агрегат дастгохлардан ташкил топган АЛ ларни ишлаб-чикариш жараёнини автоматлаштириш учун кулай, чунки агрегат дастгохлар технологик жараён кетма-кетлигида урнатилади.