Бозор ва тадбиркорлик

1) бозорни либераллаштириш;
2) тижоратлаштириш;
3) аралаш корхоналар сферасини ташкил қилиш ва кенгайтиришни рағбатлантириш;
4) денационализация.
Бозорни либераллаштириш турли хўжалик субъектлари фойдаланиши учун кенг имкониятлар очишни мўлжаллайди. Бу давлат тулик монополияси мавжуд бўлган бозорлар ва иқтисодий секторларда рақобатни шакллантириш йўлидир. Давлат кичик бизнесни қўллаб-қувватлайди, хорижий капитални жалб қилишдаги тўсиқларни олиб ташлайди, иқтисодиётни монополиядан чиқариш чора-тадбирларини қабул қилади. Буларнинг барчаси бозорни анча эркинлаштиради. Бозорни либерализацияси давлат мулкчилигини ўзгартирмасдан давлат тасарруфидан чиқаришни англатади.
Давлат корхоналарини тижоратлаштириш, уларни бозор механизми принциплари фаолиятига асосланган тижорат ҳисоб-китобига ўтишидан иборат. Давлат тасарруфидан чиқаришни яна бир йули имтиёзли кредитланадиган ва солпкка тортиладиган мулкчилик шаклидаги субъектлар ва давлат иштирокидаги аралаш корхоналарни ташқил қилиш ҳисобланади. Бу нафақат хорижий капитал иштирокини корхоналар ташкил қилишни, балки орасида мавжуд бўлган давлат мулкчилигининг бошқа шаклларини ҳам қамраб олади.
Давлат тасарруфидан чиқаришнинг яна бир йўли – бу давлат мулкчилиги денационализациясидир. Давлат корхоналари эгалиги нафақат хусусий қўлларга, балки банкларга, давлат корхоналари жамоасига, кооперативларга ўтиши мумкин. Давлат тасарруфидан чиқаришнинг бу барча йўллари бозор иқтисодиёти механизми хўжалигини такомиллаштириб, мулкка эгаликни умумлаштириб акс эттиради.