Bo’yicha bahosi: sana" " 2022 y

Kreditlash shartlari:

Kredit valyutasi:	So`m
Berilish turi:	Naqdsiz ko’rinishda, mol yetkazib beruvchi yoki ishlab chiqaruvchi hisobraqamiga pul o’tkazish yo’li bilan
Kredit summasi:	Eng kam ish haqining ming (1000) barobari qiymatidan oshmaydigan miqdorda
Kredit muddati:	Aylanma mablag’larini oshirish uchun - 18 oygacha Asosiy vositalar sotib olish uchun - 36 oygacha
Kreditning qaytarilishi:	Annuitet formulasiga asosan har oy bir xil miqdorda, asosiy tani va foizi birga so’ndiriladi

Kreditlar quyidagi maqsadlarga beriladi:

• 
  aylanma mablag`larni oshirish;
  
• 
  tadbirkorlik faoliyati uchun avtotransport vositasini sotib olish uchun;
  
• 
  bojxona to'lovlarini to'lash;
  
• 
  asosiy vositalar, mini asbob-uskunalar sotib olish; 
  
• 
  ishlab chiqarishni rivojlantirish va kengaytirish;
  
• 
  xom ashyo va materiallarga birlamchi ishlov berish.
  

Garov ta`minoti:

• 
  mol-mulk garovi;
  
• 
  tijorat banklari yoki sug’urta kompaniyalarining kafolati;
  
• 
  uchinchi shaxs kafilligi;
  
• 
  zargarlik buyumlari;
  
• 
  qonunda ko’zda tutilgan boshqa ta’minotlar
  

Kredit olish uchun zarur bo`lgan hujjatlar:

1. 
   yakka tartibdagi tadbirkorlar uchun:
   
   1. 
      ariza beruvchining pasporti;
      
   2. 
      yakka tartibdagi tadbirkor davlat ro`yxatidan belgilangan tartibda o`tganligi haqida guvohnoma;
      
   3. 
      biznes-reja;
      
   4. 
      kredit ta’minoti bo`yicha hujjatlar;
      
   5. 
      yakka tartibdagi tadbirkorda faoliyatni amalga oshirish uchun moddiy-texnik asosning mavjudligini tasdiqlovchi hujjatlar (ijara shartnomasi/bino kadastri);
      
   6. 
      hisobraqamdagi pul mablag'lari harakatlari, ssuda qarzlari va kartoteka - 2 da qarzdorlik mavjud yoki mavjud emasligi haqida bankdan (ariza beruvchining asosiy hisob raqami bo'yicha) ma'lumotnoma;
      
   7. 
      ssuda mablag`lar hisobidan to`lash shartnomalari;
      
   8. 
      zaruriyat yuzasidan bank qo`shimcha hujjatlarni talab qilishi mumkin.
      
2. 
   yuridik shaxslar uchun:
   

• 
  yuridik shaxsning davlat ro'yxatidan belgilangan tardibda o'tganligi haqida guvohnoma;
  
• 
  a'sischi(lar) tomonidan kredit olishga roziligini tasdiqlovchi hujjatlar;
  
• 
  ariza beruvchining ta'sischilik hujjatlari;
  
• 
  biznes-reja;
  
• 
  ssuda mablag'lar hisobidan to'lash shartnomalari;
  
• 
  kredit shartnomasiga kredit oluvchi nomidan shaxsga imzo qo'yish huquqini beruvchi hujjatlar, agar shaxs qarz oluvchining vakili bo'lsa, unda imzolar nusxasi mavjud kartochka;
  
• 
  yuridik shaxsda tadbirkorlik faoliyatini amalga oshirish uchun moddiy-texnik asosning mavjudligini tasdiqlovchi hujjatlar (ijara shartnomasi/bino kadastri);
  
• 
  qarz oluvchining taqdim qilgan tegishli davlat soliq inspeksiyasiga oxirgi hisobot davri uchun buxgalteriya balansi (1-son shakl), 90 kundan ortiq muddatdagi qarzlarga doir solishtirish dalolatnomalari, moliyaviy natijalar to'g'risida hisobot (2-son shakl), yangi tashkil etilgan yuridik shaxslar hamda yuridik shaxs tashkil etmagan holda faoliyat yuritayotgan dehqon xo'jaliklari bundan mustanso;
  
• 
  hisobraqamdagi harakatlar, ssuda qarzlari va Kartoteka-2 da qarzdorlik mavjud yoki mavjud emasligi haqida bankdan (ariza beruvchining asosiy hisob raqami bo'yicha) ma'lumotnoma;
  
• 
  kredit ta'minoti bo'yicha hujjatlar;
  
• 
  zaruriyat yuzasidan bank qo`shimcha hujjatlarni talab qilishi mumkin.
  

Bank tomonidan kredit bo‘yicha xizmat ko‘rsatish davrida iste’molchining og‘zaki yoki yozma so‘rovi olingan kundan e’tiboran bir ish kuni ichida unga quyidagi axborotlar yozma shaklda oyda bir marta bepul taqdim etiladi:

• 
  kreditlash limiti;
  
• 
  kredit bo‘yicha to‘langan pul mablag‘lari summasi;
  
• 
  asosiy summa bo‘yicha qarz qoldig‘i;
  
• 
  navbatdagi to‘lovlarning miqdori, tarkibi va muddatlari (to‘lovlar jadvali);
  
• 
  kreditni muddatidan oldin qisman yoki to‘liq so‘ndirish istagi bildirilgan taqdirda to‘lash lozim bo‘lgan summalar miqdori;
  
• 
  muddati o‘tkazib yuborilgan qarzdorlik miqdori va tarkibi;
  
• 
  kelib tushayotgan pul mablag‘lari kredit bo‘yicha qarzni so‘ndirishga yo‘naltirilishi haqida axborotlar.
  

4. 
   “XALQ BANKI” ATB Surxondaryo viloyati Termiz shahar filialida avtomatlashtirilgan ish joylari va ularning tashkil etilishi.
   

“Xalqbanki” ATB iqtisodiyotning agrar tarmog‘ini qo‘llab-quvvatlash bo‘yicha keng tarmoqli filiallar tizimi, barqaror kapitallashuv darajasi va an’anaviy mijozlar bazasiga egaligi, xorijiy banklar hamda xalqaro moliya institutlarining jalb etilgan kredit liniyalari mavjudligi raqobatbardoshlik imkoniyatlarini yanada oshirdi.
Bugungi kunda “Xalqbank” ATB o‘z infratuzilmasi bilan mamlakatimizning deyarli barcha hududlarini qamrab olgan bo‘lib, o‘zining tarmoqlari orqali 258 mingdan ortiq yuridik shaxslarga hamda 2,4 milliondan ortiq jismoniy shaxslarga sifatli zamonaviy bank xizmatlarini ko‘rsatib kelmoqda.
Bank faoliyati ko‘lami anchayin keng bo‘lib, boshqarmalar, filiallar, minibanklar va maxsus kassalarda aholi va mijozlar uchun zarur bo‘lgan xizmatlar yo‘lga qo‘yilgan. Xizmat sifatining yuqoriligi mijozlar sonining yil sayin ortib borishiga omil bo‘lmoqda.
“Yuridik shaxslar tomonidan kassa operatsiyalarini amalga oshirish qoidalari” (O‘zR AV tomonidan 22.06.2015 y. 2687-son bilan ro‘yxatga olingan) ga asosan tashkilotlar o‘z pul mablag‘larini banklarda saqlashi shart.
Tashkilotlar o‘rtasidagi hisob-kitoblar, shuningdek fuqarolarning tadbirkorlik faoliyatini amalga oshirishi bilan bog‘liq holda ular ishtirokidagi hisob-kitoblar naqd pulsiz tartibda amalga oshiriladi. Ko‘rsatib o‘tilgan shaxslar o‘rtasidagi hisob-kitoblar, agar qonunda boshqacha tartib belgilab qo‘yilgan bo‘lmasa, naqd pulda ham amalga oshirilishi mumkin.
Tashkilotlar bankdan olgan naqd pullarni qaysi maqsad uchun olgan bo‘lsalar, uni faqat o‘sha maqsadda foydalanishlari shart.
Tashkilotlar ish kuni oxirida o‘z kassalarida qolgan naqd pul mablag‘larini belgilangan limit doirasida saqlashi mumkin. Kassadagi naqd pul qoldig‘i limitini belgilash va tushum hisobidan xarajat qilish har yili yanvar oyida tashkilotlar va banklar o‘rtasidagi kelishuvga asosan buyurtma-hisob-kitobga muvofiq amalga oshiriladi.
Tashkilotlar o‘z kassasidagi naqd pul mablag‘larining belgilangan limit doirasidan ortiqcha qismini mehnatga haq to‘lash, mukofotlar, sug‘urta to‘lovlari, nafaqalar, stipendiyalar va pensiyalarni to‘lash uchun, bankdan olingan kunni qo‘shib hisoblaganda 3 ish kunidan ortiq bo‘lmagan muddat mobaynida saqlash huquqiga ega.
Kassa operatsiyalari birlamchi hisob hujjatlari (kassa kirim orderi va kassa chiqim orderi) asosida rasmiylashtiriladi.
Naqd pul qabul qilinganda buxgalteriya hisobi va moliyaviy boshqarish vazifalarini amalga oshiruvchi shaxs hamda kassir tomonidan imzolangan, kassir shtampi (shtamp mavjud bo‘lgan taqdirda) bilan tasdiqlangan kassa kirim orderi yoki kassa apparatining izi tushirilgan chipta (slip) pul topshirgan shaxsga beriladi.
“Tijorat banklarida kassa ishini tashkil etish, naqd pul va boshqa qimmatliklarni inkassatsiya qilishga doir” (O‘zR AV tomonidan 29.06.2018 y. 3028-son bilan ro‘yxatga olingan) Yo‘riqnomaga ko‘ra banklar naqd pul bilan bog‘liq operatsiyalarni amalga oshiradi.
Bank o‘z mijozlariga kassa xizmatini ko‘rsatish uchun alohida ajratilgan kassa tarmog‘iga hamda kassa xodimlariga ega bo‘lishi lozim.
Naqd pul va boshqa qimmatliklarning but saqlanishi uchun javobgar bo‘lgan hamda kassa operatsiyalarini bajaruvchi barcha xodimlar bilan (shu jumladan, kechki kassaning buxgalter-nazoratchisi bilan ham) moddiy javobgarlik to‘g‘risida shartnoma tuziladi.
Bankning kassa tarmog‘i, tashkil etiladigan kassalar Banklar va ularning filiallari binolarida kassa tarmoqlarini tuzilishiga qo‘yiladigan texnik talablarga (ro‘yxat raqami 2816, 2016 yil 26 iyul) to‘liq rioya etilgan holda qurilishi hamda qonun hujjatlarida belgilangan tartibda jihozlangan bo‘lishi shart.
Bank tomonidan mijozlarga kassa xizmatini ko‘rsatish bank va mijoz o‘rtasida tuzilgan shartnomaga asosan amalga oshiriladi.
Bankda kassa operatsiyalarini bajarish va mijozlarga kassa xizmatini ko‘rsatish uchun aylanma kassa va chakana amaliyotlar kassalari tashkil etiladi.
Aylanma kassa bank binosida tashkil etilib, bank mijozi bo‘lgan xo‘jalik yurituvchi sub’ektlarga kassa xizmatlarini ko‘rsatadi hamda unga tegishli bo‘lgan barcha banknot va tangalar hisobi 10101 — «Aylanma kassadagi naqd pullar» hisobvarag‘ida yuritiladi.
Bank tomonidan jismoniy shaxslarga ko‘rsatilayotgan chakana kassa xizmatlari turi hamda kassa operatsiyalarining hajmidan kelib chiqqan holda, Bosh bank ruxsati bilan aholidan omonatlarni qabul qilish, qaytarish va ularga hisoblangan foizlarni to‘lash, kommunal, soliq va boshqa bir martalik to‘lovlarni qabul qilish, shuningdek valyuta ayirboshlash xizmatlarini ko‘rsatish uchun (milliy va xorijiy valyutalarda alohida yoki birlashtirilgan holda) chakana amaliyotlar kassalari tashkil etilishi mumkin.
Chakana amaliyotlar kassalarini bank binosida va binodan tashqarida tashkil etilishi mumkin.
Mijozlarga kassa xizmatini ko‘rsatish bank xodimlari tomonidan qabul qilib olingan kassa hujjatlari asosida amalga oshiriladi. Bank kassasi orqali mijoz bajaradigan barcha kassa operatsiyalariga asos bo‘lib xizmat qiluvchi kassa hujjatlari mijoz tomonidan to‘ldiriladi. Kompyuterda rasmiylashtirilib, chop etilgan hamda mijoz tomonidan imzolangan hujjatlar ham bank kassirlari tomonidan qabul qilishini mumkin, qat’iy hisobda turuvchi blanklar bundan mustasno.
Bank kassasiga kirim qilinayotgan naqd pullar va boshqa qimmatliklar kassirlar tomonidan saralangan va donalab sanalgan holda qabul qilinishi shart.
Bank kassalariga naqd pullarni qabul qilish quyidagi hujjatlarga asosan amalga oshiriladi:
a) bank mijozlari bo‘lgan xo‘jalik yurituvchi sub’ektlardan naqd pullarni topshirish e’loni bo‘yicha;
b) bank xodimlari tomonidan bankka etkazilgan zararni qoplash uchun, xizmat safariga olingan bo‘nakning sarflanmagan qismini qaytarish va boshqa shu kabi holatlarda bank xodimlaridan kirim kassa orderi (bank faoliyati bilan bog‘liq bo‘lgan naqd puldagi kirim operatsiyalarini, xususan bankning bir hisobvarag‘idagi naqd pullarini ikkinchi bir hisobvaraqqa kirim qilishda, shuningdek olib kelingan madad pullarini bank kassasiga kirim qilishda foydalaniladi) bo‘yicha;
v) jismoniy shaxslardan kommunal to‘lovlarni qabul qilish, aholiga kommunal xizmat ko‘rsatuvchi tashkilotlar tomonidan ishlab chiqilgan maxsus blanklar bo‘yicha;
g) jismoniy shaxslardan bir martalik (soliq to‘lovlaridan tashqari) to‘lovlarni aholidan bir martalik to‘lovlarni qabul qilish blanki bo‘yicha;
d) aholidan bank depozit hisobvaraqlariga omonatlarni naqd pulda qabul qilish O‘zbekiston Respublikasi banklarida depozit operatsiyalarini amalga oshirish tartibi to‘g‘risidagi yo‘riqnomada (ro‘yxat raqami 2711, 2015 yil 26 avgust) ko‘rsatilgan blanklar bo‘yicha;
e) jismoniy shaxslardan soliq to‘lovlarini qabul qilish jismoniy shaxsning soliq to‘lovlari uchun maxsus blanki asosida amalga oshiriladi.
Naqd pullarni topshirish e’loni uch qismdan — «e’lon», «kvitansiya» va «order»dan iborat. Ushbu kirim hujjatining «e’lon» qismi kunlik kassa hujjatlariga tikiladi, «kvitansiya» qismi kirim kassasi kassiri tomonidan imzolangan va kassaning muhri bosilgan holda naqd pulni topshirgan mijozga, «order» qismi esa buxgalteriya xodimiga beriladi.
Kirim kassa orderi uch nusxada to‘ldiriladi. Uning birinchi nusxasi kunlik kassa hujjatlariga tikiladi, ikkinchi nusxasi buxgalteriya xodimlariga va uchinchi nusxasi kirim kassasi kassirining imzosi va muhri qo‘yilgan holda naqd pulni topshirgan bank xodimiga beriladi.
Kirim kassasi kassiri kirim hujjatlarini qabul qilishda:

• 
  hujjat bankning buxgalteriya xodimlari tomonidan imzolanganligini;
  
• 
  ushbu imzolarning kassirda saqlanayotgan imzo namunalariga mos kelishini;
  
• 
  hujjat mijoz tomonidan imzolanganligini;
  
• 
  hujjatda ko‘rsatilgan summaning raqam va so‘zlar bilan to‘g‘ri yozilganligini hamda ularning o‘zaro mosligini tekshiradi va kirim kassa jurnaliga imzo qo‘yib, kirim kassa hujjatlarini qabul qilib olganligini tasdiqlaydi.
  

Bank kassasidan naqd pullarni chiqim qilish:
a) xo‘jalik yurituvchi sub’ektlarga —naqd pul cheki bo‘yicha;
b) jismoniy shaxslarga —chiqim kassa orderi (bevosita bank faoliyati bilan bog‘liq bo‘lgan naqd puldagi chiqim kassa operatsiyalarini, xususan, naqd pullarni bir hisobvaraqdan ikkinchi bir hisobvaraqqa o‘tkazish uchun chiqim qilishda, naqd pullarni inkassatsiya xizmati xodimlariga topshirish maqsadida chiqim qilishda ham chiqim kassa orderidan foydalaniladi) bo‘yicha;
v) bank depozit hisobvaraqlaridagi fuqarolarning omonatlarini va uning foizlarini to‘lash, O‘zbekiston Respublikasi banklarida depozit operatsiyalarini amalga oshirish tartibi to‘g‘risidagi yo‘riqnoma (ro‘yxat raqami 2711, 2015 yil 26 avgust) talablari asosida;
g) jismoniy shaxsning bank kartasidan bankomat yoki terminallar orqali naqd pullar chiqim qilish — avtomatik tarzda, dasturiy yo‘l bilan shakllantiriladigan sliplar bo‘yicha amalga oshiriladi. Avtomat tarzda shakllantiriladigan slip — chiqim kassa orderiga tenglashtiriladi.
Chiqim kassasi kassiri tomonidan naqd pullarni kassa mudiridan qabul qilish:

• 
  banknotlarning to‘liq va to‘liq bo‘lmagan bog‘lamlarini ustki nakladkalardagi ma’lumotlarga qarab tekshirish yo‘li bilan;
  
• 
  banknotlarning to‘liq bo‘lmagan dastalarini esa kassa mudirining yoki u tayinlagan kassa xodimining kuzatuvi ostida birma-bir qayta sanash orqali;
  
• 
  tangalar — qopchalarga biriktirilgan yorliqlardagi (yoki paketlar ichidagi qog‘ozdagi) yozuvlarga qarab tekshirish orqali amalga oshiriladi.
  

Xo‘jalik yurituvchi sub’ektlarning pul tushumlarini inkassatsiya xizmati xodimlari tomonidan qabul qilib olish va ularni bank kassasiga etkazib berish mijoz, inkassatsiya xizmati va bank o‘rtasida tuzilgan shartnomaga asosan amalga oshiriladi.
Bunda, naqd pul tushumiga ega bo‘lgan xo‘jalik yurituvchi sub’ektlar tomonidan bir yoki bir nechta tumanlarda naqd pul tushumiga ega bo‘lgan shoxobchalar tashkil etilgan bo‘lsa, ushbu shoxobchalarning har biriga tushgan naqd pul tushumlari ular joylashgan tumandagi (inkassatsiya shartnomasida belgilangan) banklardan birining kassasiga inkassatsiya qilinadi.
Naqd pul tushumiga ega bo‘lgan va tushum pullarini inkassatsiya xizmati orqali topshiruvchi har bir xo‘jalik yurituvchi sub’ektga, uning naqd pul tushumining hajmiga qarab kerakli miqdorda (kamida 3 ta) «BANK» so‘zi yozilgan inkassatsiya sumkalari (qoplari) beriladi.
Xo‘jalik yurituvchi sub’ekt vakili naqd pul tushumi solingan inkassatsiya sumkasini (qopini) yig‘uvchi inkassatorga topshirayotgan vaqtida har bir inkassatsiya sumkasi (qopi) uchun quyidagi (komplekt) blanklarni:

• 
  ilova qaydnomasi;
  
• 
  yuk xati;
  
• 
  kvitansiyani ketma-ket joylashtirgan holda qora qog‘oz orqali bir yo‘la to‘ldiradi hamda ularni har birini alohida imzolaydi.
  
• 
  Yig‘uvchi inkassator xo‘jalik yurituvchi sub’ektdan sumkalarni (qoplarni) qabul qilib olishda:
  
• 
  sumkaning (qopning) yaroqliligi va uning butligini;
  
• 
  sumka (qop) og‘zidagi plombalangan tizimchaning butligini, plombir izining aniqligini va uning plomba namunasiga mosligini;
  
• 
  qabul qilinayotgan va topshirilayotgan inkassatsiya sumkalarining (qoplarining) raqamlarini tashrif varaqasi, yuk xati va kvitansiyada ko‘rsatilgan raqamlarga mos kelishini;
  
• 
  xo‘jalik yurituvchi sub’ektning mas’ul xodimi tomonidan inkassatsiya sumkasining (qopining) yuk xati va kvitansiyasi imzolanganligini;
  
• 
  tashrif varaqasida qayd etilgan summani, inkassatsiya sumkasining (qopining) yuk xati va kvitansiyasida qayd etilgan summalarga mos kelishini;
  
• 
  inkassatsiya sumkasining (qopining) yuk xati hamda kvitansiyasiga raqam va so‘z bilan yozilgan summalarning o‘zaro mos kelishini tekshiradi.
  

5. 
   “XALQ BANKI” ATB Surxon viloyati Termiz shahar filialida interaktiv bank xizmatlaridan foydalanish amaliyoti bilan tanishish.
   

Bugungi kunda biz ko'plab bank xizmatlaridan onlayn tarzda foydalanishimiz mumkin. Ushbu xizmatlarning ba'zilari hisob-kitoblarni to'lash, mablag'larni o'tkazish va hisobvaraqlar bo'yicha hisobotlarni ko'rishni o'z ichiga oladi. Shuningdek, banklar o'zlarining so'nggi mahsulot va xizmatlarini Internet orqali etkazib berishadi. Internet banking bank saytiga ulanishi mumkin bo'lgan kompyuter tizimi yoki shunga o'xshash qurilmalar orqali amalga oshiriladi. 
Endi biz pulni qo'yish yoki olish, hisobvarag'idan ko'chirma so'rashimiz yoki to'lovni to'xtatish uchun bankka shaxsan tashrif buyurishimiz shart emas. Biz ushbu barcha vazifalarni va yana ko'p narsalarni banklar tomonidan taqdim etiladigan onlayn xizmatlardan foydalanishimiz mumkin. Shuningdek, biz hisob-kitob operatsiyalari va balansimizni doimo kuzatib borishmiz mumkin. Hisobdagi umumiy qoldiqni bilish uchun endi daftarlarni yangilash shart emas.
Interaktiv bank xizmatidan mijozlar doimo kuniga 24 soat va haftaning 7 kuni foydalanishlari mumkindir. Bu esa mijozlarga qulaylik yaratadi.
Masofaviy xizmatning mijozlar uchun yana afzalliklari bu:
Asosiy afzallik - bu bank xizmatlaridan masofadan foydalanish qulayligi. Mijozga bank filialiga tashrif buyurish, shuningdek navbatda vaqtni yo'qotish kerak emas;
Samaradorlik. To'lov, shuningdek masofaviy tizimlardan foydalangan holda boshqa to'lovlar juda qisqa vaqt ichida, ba'zan esa darhol amalga oshiriladi;
Foyda. Ko'pincha, bunday xizmatlarning tariflari xuddi shu operatsiyalarni faqat to'g'ridan-to'g'ri bankda amalga oshirish tariflaridan ancha past;
Masofaviy xizmatning turli shakllari. Ko'pgina tijorat banklarida masofaviy xizmat ko'rsatishning bir nechta kanallari mavjud. Ular: Internet , mobil telefon, terminallar va bankomatlar, SMS-banklar va boshqalar bo'lishi mumkin.
Mijoz uchun masofaviy bank xizmatlari bank operatsiyalarining qulay shakli hisoblanadi. Bu qulaylik ham, tezlik ham, vaqtni tejash ham. Mijoz qo'shimcha moliyaviy va vaqt xarajatlarisiz kerakli bank xizmatlari to'plamini qulay format va joyda oladi.
Tijorat banki uchun masofadan turib xizmat ko'rsatishning asosiy afzalliklari:
Mijozlarga xizmat ko'rsatishning ushbu usuli foydalidir. Buning foydasi shundaki, ofislarda mijozlarga xizmat ko'rsatish xarajatlari masofadan ishlashga qaraganda yuqori. Shunday qilib, bank o'z xodimlarini qisqartirish imkoniyatiga ega, bu aniq foyda keltiradi.
Masofaviy bank xizmatlari uchun dasturiy ta'minotni sotib olishning o'zi ancha qimmatga tushadi, ammo bu xarajatlar tezda qoplanadi. Xarajatlar rentabelligi darajasi uzoqroq xizmatlarga imkon qadar ko'proq mijozlarni ulash tezligi bilan mutanosibdir.
Istalgan vaqtda va istalgan joyda bank xizmatlaridan foydalanish imkoniyati. Bu erdan turli mintaqalardan, hatto eng chekka hududlardan mijozlarni jalb qilish mumkin bo'ladi. Bu yangi bozor segmentining paydo bo'lishiga yordam beradi.
Mijozlarga xizmat ko'rsatish sifatini oshirish, shuningdek xizmat ko'rsatish vaqtini optimallashtirish.
Bank operatsiyalarida xatolar xavfini kamaytirish. Bank xodimi bilan ishlashda inson omili xatolar ko'rinishiga ta'sir qiladi.
Masofaviy xizmat ko'rsatish tizimlari orqali bank mijozga operatsiyalar, hisobvaraqlar to'g'risidagi ma'lumotlar, yangi mahsulotlar va xizmatlar va boshqalar to'g'risida ko'proq ma'lumot berishi mumkin.
Bunday tizimlarning yaratilishi bankning raqobatbardoshligini sezilarli darajada oshiradi.
Masofaviy bank xizmatlaridan foydalanishning umumiy kamchiliklari:
Mijozlarning past malakasi, shuningdek masofaviy xizmatga ishonchsizlik. Mijozlar o'zlarining hisob raqamlari, operatsiyalari va boshqalar to'g'risidagi ma'lumotlarni yo'qotish yoki uchinchi shaxslarga berishdan qo'rqishlari mumkin.
Keyingi kamchilik mijozning ishonchsizligidir. Xavfsiz Internet aloqasi tufayli masofali bankda ma'lum operatsiyalarni amalga oshiradigan qurilmaning ishlamay qolishi, Qurilmadagi antivirus dasturi yo'qligi, mijoz ma'lumotlari yo'qolishi yoki uchinchi shaxslarga berilishi mumkin.
Bunday tizimlarning yana bir muhim kamchiliklari bu dasturning noto'g'ri ishlashi, ma'lumotlarning vaqtincha mavjud emasligi va boshqalar.
Ba'zi operatsiyalar faqat operatorlarning ish vaqtida amalga oshirilishi mumkin, bu ham ba'zi mijozlar uchun kamchilikdir. Barcha bank operatsiyalari kuniga 24 soat davomida amalga oshirilmaydi, ularning ba'zilari ko'proq nazoratni talab qiladi.
Agar mijozga operatsiyani qog'ozda tasdiqlash kerak bo'lsa, u hali ham bank filialiga murojaat qilishi kerak. Ko'pgina masofali tizimlar chek yoki bayonotning nusxasini bosib chiqarish qurilmasiga o'tkazish qobiliyatiga ega bo'lishiga qaramay, mijozga to'lov hujjatining asl nusxasi kerak bo'lgan holatlar mavjud.
Xalqbankning vazifasi agrar va qishloq xo'jaligining barqaror rivojlanishini ta'minlash, mamlakat qishloq xo'jaligida iqtisodiy islohotlarni chuqurlashtirish va fermerlik harakatini har tomonlama qo'llab-quvvatlashdan iboratdir. Bu vazfa orqali hozirgi paytda Xalqbank tomonidan mijozlarga qulaylik yaratish uchun turli xil xizmatlar yo‘lga qo‘yilgan bo’lib, ularni alohida aytib o’tish kerak.
Xususan, Xalq banki tomonidan tijorat banklari o‘rtasida birinchi bo‘lib o‘z mobil ilovasi orqali skoring tahlil asosida on-layn tarzda mikroqarz ajratish xizmati yo‘lga qo‘yilgan. Bugungi kunda ushbu xizmat orqali 152 mingdan ortiq mijozga qariyb 130 mlrd. so‘mlik on-layn mikroqarz ajratilgan.
Shuningdek, “Xalq ekspress” milliy valutadagi pul o‘tkazmalari xizmati ushbu turdagi xizmatlar ichida birinchi bo‘lib joriy etilgan.
Mijozlarga qulaylik yaratish maqsadida, bankning istalgan plastik kartasini rasmiy veb-sayti orqali onlayn tarzda rasmiylashtirish va ushbu kartani mijozga bepul yetkazib berish xizmati yo‘lga qo‘yilgan.
Xorijga safarga chiqayotgan mijozlar uchun bir vaqtning o‘zida milliy valuta va AQSh dollarida to‘lov imkoniyati mavjud bo‘lgan multivaluta karta muomalaga chiqarilgan.
Bankning to‘lov terminallar soni 36 mingtaga, tarqatilgan plastik kartochkalar soni 2 mln. 477 mingtaga yetkazildi. Yil boshiga nisbatan terminallar soni 5 mingtaga, plastik kartalar soni 84 mingtaga ko‘paygan.
Respublikamizning barcha hududlarida 402 ta bankomat joylashtirildi, jumladan 300 ta yangi bankomat olib kelib o‘rnatildi. Bankning “Internet banking” tizimiga ulangan mijozlar soni 37,5 ming, “Mobil-banking” xizmatidan foydalanilayotgan mijozlar soni 241 mingdan ortgan. “Mobil-banking” xizmati foydalanuvchilari yil boshigan nisbatan 136 mingtaga oshgan. 
Internet tarmog‘i hamda mobil telefon orqali bank xizmatlaridan foydalanish aholini ushbu xizmatlarga bo‘lgan qiziqishi va ishonchini orttirib, bir qator qulayliklar yaratmoqda. Xususan mijozlarda ushbu ilovaga ulanishda imkoniyatlar yaratish uchun filiallar hududlariga tekin Wi-Fi zonalarini o‘rnatilgan.
Bank xizmatlari turlarini yanada ko’paytirish maqsadida masofadan xizmat ko’rsatish tizimlarini rivojlantirish “Uzcard”, Woy-wo”, Uzcard-click”, “Pay-me”, U-pay”,”Xalq banki mobayl” kabi ilovalar orqali mobil xizmatlar yo’lga qo’yildi. Bankda axborot kommunikatsiya texnologiyalaridan unumli foydalaniladi. Bunda mijozlar bilan masofadan xizmat ko’rsatish yo’lga qo’yilgan:
internet banking xizmati – bu O`zbekiston bo`yicha istalgan vaqtda real vaqt doirasida internet orqali mijozlarning o`z-o`ziga bank xizmatlarini ko`rsatish tizimi.
Sms banking xizmati – sizning uyali telefoningiz orqali mijozlarga operativ xabar berish xizmati.
internet-ekvayring afzalliklari:Respublikada V2S sxemasi bo’yicha elektron tijoratni rivojlantirish: savdo-xizmat korxonasi tovarlarni to’g'rida-to’g'ri jismoniy shaxsga sotadi. Odatda, bu erda tovarlarning chakana sotuvi to’g'risida gap ketmoqda.