Botanika fanidan o’qituvchilar malakasini oshirishda mustaqil ta’limning roli

Talabaning mustaqil ijodiy fikrlash qobiliyatlarini rivojlantirishga 
yo’naltirilganlik. 
Talabaning mustaqil fikrlash qobiliyati ijodiy izlanishni 
talab qiluvchi mustaqil topshiriqlardan hamda xalqaro RWCT (o’qitish va 
yozish tanqidiy fikrlashni rivojlantirish uchun) dasturi strategiyalaridan 
samarali foydalanish orqali amalga oshirish. 
Bundan tashqari didaktik tamoyillardan ta’limning ilmiyligi, ongliligi, 
tushinarli bo’lishi hamda ko’rgazmaliligiga mustaqil ta’lim jarayonida to’liq 
amal qilish maqsadga muvofiq bo’ladi. 
Oliy ta’lim muassasalarida talaba mustaqil ishlarini mustaqil ta’lim 
tamoyillariga asoslangan xolda tashkil qilinishi bu sohada ishlarimizni 
ilmiy-metodik jixatdan to’g’ri yo’lga qo’yilishga hamda uni mazmunan 
boyitishga xizmat qiladi (33). 
Mazkur masalalarni ilmiy-pedagogik nuqtai nazardan o’rganish, ta’lim 
jarayonida tinglovchilarning mustaqil ta’lim olishga bo’lgan extiyojini e’tiborga 
olish va mustaqil bilim egallashlari uchun yetarli shart-sharoit yaratib berish 
zarurati; hududiy malaka oshirish markazi professor o’qituvchilarining 
tinglovchilar mustaqil ta’lim olishlarini tashkil etish, amalga oshirish va nazorat 
qilish bo’yicha kasbiy pedagogik tayyorgarligining zamon talablari darajasida 
emasligi; tinglovchilarda mustaqil ta’lim olish bo’yicha bilim, ko’nikma va 
malakalarining shakllanmaganligi; tinglovchilar mustaqil ta’lim olishlarini tashkil 
etish, amalga oshirish va nazorat qilishga oid o’quv-metodik adabiyotlar, 
tavsiyalar, ishlanmalar, yo’riqnomalar, ko’rsatmalarning yetarli emasligi va boshqa 
muammolar ushbu mavzuning dolzarbligini ko’rsatadi. 

---

10 
Shuningdek, tinglovchilarni mustaqil ta’lim olishga o‘rgatish - mustaqil 
o‘quv faoliyati ko‘nikmalarini shakllantirish ob’ektiv zarurligi o‘quv faoliyati 
holati bilan ta’lim oluvchilarning mazmun, metod va natijalarga ko‘ra xilma-xil 
mustaqil o‘quv ishlarini yuritishning ichki imkoniyatlari o‘rtasida nomuvofiqlik 
ko‘zga tashlanadi, u tinglovchilarning mustaqil ta’lim olish faoliyati xususiyatlari, 
uning mohiyati, tashkil qilish tamoyillari, mazmuni va metodlarini qarab chiqishga 
mavjud yondoshuvlarning har xilligi bilan tavsiflanadi. Shu bilan birga, ta’kidlash 
joizki pedagogik adabiyotlarda malaka oshirish tinglovchilarining o’z malakalarini 
oshirishi faqat o‘qitish bilangina emas, balki ularning mustaqil ta’lim olishi bilan 
ham tavsiflanadi. Binobarin, malaka oshirish tizimida biologiya o‘qituvchilarning 
MOKdan keyingi umumta’lim maktablaridagi ish faoliyatlarida amaliy ijodiy 
tayyorgarligini mustaqil ta’lim olish faoliyatini faollashtirish asosida 
takomillashtirish tadqiqotimizning muammosini belgiladi va mavzusining 
dolzarbligini ko‘rsatadi. 
Bu yechimini kutayotgan muammolarni hisobga olgan holda, shuningdek 
fan va texnika taraqqiyotining hozirgi rivoji, zamonaviy ishlab chiqarish darajasi, 
malaka oshirish tizimida biologiya o‘qituvchisi mutaxassislarni malakasini 
oshirishdagi kamchiliklardan kelib chiqib, mustaqil ta’limni faollashtirish asosida 
mutaxassislarning mustaqil tayyorgarligini takomillashtirish maqsadi “Botanika 
fanidan o’qituvchilar malaksini oshirishda mustaqil ta’limning roli” mavzusini 
tanlash uchun asos bo‘ldi.