Boshqarish” fanining predmeti

Induktiv usuli, alohida bir xil faktlardan umumlashtirishga, natijaviy umumiy xulosalar chiqarishga tayaniladi. Nazariy g‘oyalarni yaratish jarayoni esa induktiv tadqiq etish usuli deb nomlangan. Demak, qishloq xo‘jaligida amalga oshirilayotgan har qanday iqtisodiy muammoni avval uning nazariyasidan, ya’ni g‘oyasidan amal qilishiga qarab o‘rganish yoki bu muammoning amaliyotga joriy etilishidan, ya’ni amaliyotdagi holatiga asoslangan holda g‘oya yoki nazariyasini yaratishga qarab tadqiqot olib borish mumkin².
Fanning yo‘nalishi. Agrar tarmoqda ustuvor yo‘nalish sifatida faoliyat ko‘rsatayotgan fermer xo‘jaliklari mustaqil subyekt sifatida boshqa mulk va xo‘jalik yurituvchi shakllaridagi korxona va tashkilotlar bilan teng huquqli qishloq xo‘jalik korxonasi sifatida faoliyat ko‘rsatmoqda. Fermer xo‘jaliklarini
² Умурзоқов Ў.П., Тошбоев А.Ж. Кичик бизнес ва тадбиркорлик. Т.: Сано-стандарт, 2014. 9- 11 б.
rivojlantirishda o‘z yechimini topmagan ko‘plab masalalar mavjuddir. Shu maqsadda fermer xo‘jaliklari boshliqlarining ma’lumoti, mutaxassisligi hamda tadbirkorlik faoliyati tahlil qilinganda, ularning asosiy qismi o‘rta ma’lumotli, turli kasb egalari, tadbirkorlik faoliyatini endi boshlaganlardir. Shu sababli, fanning ko‘p tarmoqli fermer xo‘jaliklarini rivojlantirishdagi ahamiyati, avvalo, fermer xo‘jaliklarini tashkil etish va uning iqtisodiy, huquqiy ishlab chiqarish asoslarini o‘rganish; hukumat tomonidan qabul qilingan qonun va qarorlar; fermer xo‘jaliklarining ijtimoiy-iqtisodiyotdagi o‘rni va kelgusidagi istiqbollari; fermer xo‘jaligini tashkil etishning huquqiy asoslari; yer-suv resurslaridan; asosiy va aylanma fondlardan foydalanish; fermer xo‘jaligini boshqarish va mehnat unumdorligini oshirish; moddiy-texnika resurslari; investitsiya va uni amaliyotga jalb etish; fermer faoliyatida qo‘shimcha tarmoqlarni tashkil etish; mahsulot ishlab chiqarishning samaradorlik ko‘rsatkichlari, mahsulot turlari bo‘yicha uni yetishtirish agrotexnikasi; infratuzilma va servis xizmatlari ko‘rsatish; noqishloq tarmoqlarni tashkil etish orqali daromadini oshirish; ilg‘or innovatsion texnologiyalardan samarali foydalanish yo‘llarini o‘rgatishdan iboratdir.