Boshlang’ich ta’lim va sport, tarbiyaviy ish ta’lim yo’nalishi

Kurs ishi dolzarbiligi: XX asrda yashagan nemis olim Konrad Lorens insonlar va hayvonlar xulqini qiyosiy oʻrganib shunday xulosaga keladi. Hayvonlar xulqi tugʻma instinktlarga bogʻliq va har bir muammoli holatda hayvonlarda oldindan dasturlashgan yechim mavjud boʻladi. Shu boisdan, biron bir favqulodda vaziyat yuz bermasa, ular bu dunyoda yashashga qiynalmaydilar, instiktlar yordamida harakatlanaveradilar. Ushbu tartibga solish mexanizmini Lorens “tabiiy axloq” deb nomlagan. Inson esa, oʻz taraqqyoti davomida tabiatni oʻziga boʻysundirishga intilib, aql-zakovatini rivojlantirgan va shu yoʻlda oʻz instinktlaridan ham uzoqlashib borgan. Natijada, zamonaviy inson agar aql bilan ish qilmasa, hayotda yashashga qiynalib qoladigan mavjudotga aylanib qolgan. Bizning boshqa jonzotlardan farqimiz ham mana shunda. Biz instinkt yordamida yashay olmaymiz, insonlar orasidagi munosabatlarni ham, instinktlar tartibga solmaydi, bir soʻz bilan aytganda biz endi hayvon emasmiz. Ming yilliklar davomida insoniyat oʻz aqlini rivojlantirish bilan birga, ushbu aqlni mahsuli boʻlgan, insonlararo munosabatlarni tartibga solishga xizmat qiluvchi “sunʼiy axloq”ni rivojlantirganlar. Oʻzaro munosabatlar bugungi kunda sotsiologiyada “ijtimoiy meʼyor” atamasi ostida umumlashtiriluvchi qoidalar yordamida tartibga solishga oʻtilgan.