Boshlang`ich ta`lim metodikasi

Bizning fikrimizcha matematika fanini o`qitishni turmush bilan bog`lab amalga oshirish yani kundalik turmush bilan bog`liq masalalar orqali amalga oshirish ham boshlang`ich matematika o`qitishda hozirgi kun ta`lim tizimidagi eng dolzarb masalalardan biridir. Chunki o`quvchi ushbu jarayonda matematik hisoblashlar bilan bilan shug`ullanish bilan bir paytda kundalik turmush bilan bog`liq muhim yangiliklar hamda voqea hodisalar bilan tanishadi yoki mavjud yangiliklar o`quvchi xotirasida qayta tiklanadi, bu esa o`quvchining matematika faniga bo`lgan qiziqishni yanada rivojlantirishga xizmat qiladi.
Boshlang`ich matematika kursi, bolalar tafakkur rivojlanishiga yordam beradi. Shu bilan boshlang`ich bilimlar yagona majmuini yaratadi, ikkinchi tomondan, zaruriy metodologik tasavvurlarni va fikrlashning mantiqiy tuzilishlarini shakllantirishga yo`naltirilgan bo`ladi.
6-10 yoshli bolalarning fikrlash qobiliyatlarini shakllantirishda mas`ul davr ekanligini psixologlar isbot qilishgan. Shu sababli boshlang`ich ta`lim metodikasining xususan, matematikadan boshlang`ich ta`lim metodikasining vazifalaridan biri o`qitishning yetarlicha yuqori rivojlantiruvchi samaradorligini oshirishni ta`minlashda o`qitishni bolalarning aqliy rivojlanishlariga ta`sirini ta`minlashdan iboratdir.
Matematikadan boshlang`ich ta`lim tarbiyaviy vazifalarini nazariy bilimlar tizimidagina hal etishi mumkin. Bu ilmiy dunyoqarash, psixologiya , didaktika, matematka o`qitish nazariyasini o`z ichiga oladi. Biroq birgina nazariy bilimlarning o`zigina yetarli emas. O`qitishning ma`lum mazmuni va o`qituvchilarning aqliy faoliyati saviyasi bilan tasirlanadigan u yoki bu o`quv yo`nalishi uchun eng samarali usullarni qulay bilish darsga tayyorlanishda yoki darsning o`zida yuzaga keladigan aniq metodik fazifalarni hal etishni bilishi kerak.
Boshlang`ich sinflarda bolalarning aqliy rivojlanishiga asos solinishi sababli boshlang`ich sinf o` qituvchisi uchun o`quvchilarning aqliy faoliyat darajasini va imkoniyatlarini bilish va hisobga olish muhimdir.
Nazariy bilimlardan amaliyotda foydalanish jarayonida yuzaga keladigan turli tuman metodik masalalar hal etilishi lozim.