Bоshlang‘ich ta’lim mеtоdikasi kafеdrasi оna tili nazariyasi va amaliyoti

MAVZU YUZASIDAN TARQATMA MATERIALLAR


1-tarqatma material. Talaffuzdagina undosh tovushlar almashadigan so‘zlarni topib, izohlab yozing.
N a m u n a : kirib - kirip.

1. Qudrat minnatdorchilik bildirib uch-to‘rt qadam bosgandi hamki, orqadan haligi qizning ovozi eshitildi.(J.Abd.) 2. Rizqingni ollo taolo qaerga sochgan, biz bilamizmi?(O.) 3. Maqsadi - yoshlarni yo‘ldan urish bo‘lgan emish.(Sh.) 4. Tabib qanday harakat qilsa polvonga yoqmas edi.(A.Q.) 5. -U dutor, tanburni qanday chertardi!? - kaftlarini bir-biriga urib, shavqlanib o‘rtog‘ini maqtadi.(O.)

2-tarqatma material. Quyidagi gaplar tarkibidan talaffuzda ham, yozuvda ham undosh tovush almashgan so‘zlarni topib, izohlab yozing.
Namuna: eshik + i = eshigi

1. - Qanday ajoyib qishlog‘imiz bor! - dedi. (O.Yoqubov) 2. Mezbon chiqqach, Manzura yumshoqqina kursiga omonatgina o‘tirdi.(T.Malik)

3. Ekkan sabzi-piyozimizni necha bor shudgor qilib ketgan tumshug‘ing qurg‘urlar. (S.Anorboev) 4. Qani endi men ham o‘richchani sharillatib o‘qiydigan bo‘lsam. (S.Ahm.) 5. Qoravoyning o‘zi arava minmay, nega siz mindingiz?(S.Ahm.) 6. -Iloyo, umring go‘rda chirisin, yetimcha - yetti kulcha... Sen tambalga bergan tomog‘im harom bo‘lsin, darbadar!- (J.Abd.) 7....bultur beshta student kelgan edi, bittasi ham turolmadi....(Mirm.)
8. - Kim biladi, shu quruqligu issiqlik ham sabab bo‘ldimi, mollarga yomon bir kasal yuqyapti. (P.Q.)


3-tarqatma material. Gaplar tarkibidagi talaffuz paytida o‘zgarishga uchragan va uchraydigan tovushi bor so‘zlarni topib, izohlang.

1. Paytdan foydalangan Kozim shu zahotiyoq juftakni rostlab qoldi. (A.Q.) 2. Iloj qancha? Naryoqda uchastkaning tashvishi tinkani qurityapti. O‘zimiz uydan ayrilib, sig‘indi bo‘lib o‘tiribmiz. (P.Q.) 3. - Voy, savil-ey, zaril keptimi menga! Qo‘ying-e, gapingizning tuzi yo‘q.(J.Abd.)

4. O‘zim tallab qo‘yganimni oladi.(J.Abd.) 5. E, ha, Qudratvoy chuchvarani xom sanayaptilar.(J.Abd.) 6. To‘rtta qo‘shni xotin orasiga kirsa, boy tog‘am bor, eshigini yel ochib, yel yopadi, deb maxtansa kerak.(O.) 7. Bog‘ning to‘rt tomonini o‘ragan baland, yangi paxsa devor bo‘ylab shaftoliliar o‘sadi.(O.)