Bоshlang‘ich ta’lim mеtоdikasi kafеdrasi оna tili nazariyasi va amaliyoti

4-mashq.O‘qing. Birlik va ko‘plik shakldagi otlarni aniqlang.

1. Tankka qarshi to‘plar, tanklarni yaqin, go‘yo mana-mana sapchish bilan bosib, yanchib keta oladigan masofaga keltirib, omonsiz o‘tga tutardilar.(O.) 2. To‘rtta qishloqchadagi yuz sakson xonadonningtelevizorini o‘chirdi. (S.Ahm.) 3. Shu payt qaerdadir yuqorida, jar ustidagi bog‘lar orasida, ayol kishilarning shivir-shiviri va bo‘g‘iq kulgisi eshitildi. (O.Yo.) 4. Mirrahimov birdaniga uchta dardning nomini aytdi.(A.Q.) 5. Qishloq o‘rtasidan kesib o‘tgan soyning shovillashi eshitilmas, faqat daraxtzorlar, xarsanglar orasidan buralib-buralib o‘tishi ajib bir manzara hosil qilar edi. (S.Ahm.)

6. Eh, bu suvlarning yo‘llari shunday uzunki, bulutlarni, o‘z qo‘ynida saqlagan cho‘qqili tog‘lar bag‘ridan tushib, yerlarga bir umr ko‘klam to‘shalgan baxmal qirlar, bog‘lardan yorib, lab tashna cho‘llarni qoniqtirib, quyuq o‘rmonlarni oralab bizga kelgan bu suvlar.(G‘.G‘.)
5-mashq.O‘qing. Otlarning kelishiklarini aniqlang.

1. – Ie, Hoji aka, sizga dori berish esimdan chiqibdi-ku, yuring! – dedi va Hojini yetaklab chiqib ketdi. (A.Q.) 2. Hukumatga ginam yo‘q manim. (O.Yo.) 3. Ali Qushchi kaftini qoshlari ustiga tutib, navkarlarni yaxshiroq ko‘rishga urindi, lekin navkarlar mash'allarini boshlari uzra baland ushlab turishar, sersoqol yuzlari chala-chulpa ko‘rinardi.(O.Yo.) 4. Bug‘doyzor adog‘i daryocha oqadi.(T.Murod) 5. Cholning qo‘lidagi miltiqning uchi unga to‘g‘rilangan, cholning ikki ko‘zidan o‘t chaqnardi. (S.Ahm.) 6. Shoazimning bo‘lmag‘ur pichinglarga durust javob qaytara olmagani yana esiga tushdi. (P.Q.) 7. Asfalt tugab, traktor g‘ildiraklari o‘yib yuborgan yo‘l boshlangach, mashina bir-ikki silkinibto‘xtadi. (T.Malik) 8. Elchin bu gapga ishonqiramasa ham, vujudida uyg‘ongan bir kuch to‘pponchaga qo‘l uzatishga majbur etdi. (T.Malik) 9. Ishdan, sovuqdan yorilgan qo‘llari qamchinni bazo‘r tutar edi. (O.) 10. Otliqlarning ikkitasi mirshabxonadanga o‘xshaydi. (X.T.) 11. Kelajak javharin axir biz uchun, Shu yurt yig‘maganmi necha asrlar? (O.Matchon)