Bоshlang‘ich ta’lim mеtоdikasi kafеdrasi оna tili nazariyasi va amaliyoti

6-tarqatma material
Otlashgan va otlashmagan ravishlarni ikki guruhga bo‘lib yozing.

1. Ko‘pga kelgan to‘y ekan, qandoq qilay, qirq yil qirg‘in bo‘lsa, ajali yetgan o‘ladi, ishqilib yolg‘izim sog‘-omon kelsin. (S.Ahm.) 2. Ikromjon butun borlig‘ini, bugunini, ertasini bag‘ishlagan yolg‘iz farzandiga qarab birdan jirkandi.(S.Ahm.) 3. Gulnor titroq lablari bilan bazo‘rgina: “Yaxshi... ammangizni sevintiring, man nima?” – dedi-da, kir yoyishni bahona qilib uzoqlashdi. (O.) 4. Yulduzlar juda yaqinda chaqnayotganidan, mashinaning old oynasiga tushgan oy yorug‘idan yo‘lni durust ilg‘ab bo‘lmas edi. (S. Ahm.) 5. Ertaga. Lekin bu yerdan hozir, darhol jo‘namog‘im kerak.

7-tarqatma material
Quyidagi so‘zlardan ravish yasovchi qo‘shimchalar yordamida ravish yasang.
do`st,dehqon,taxmin, butun,yashir, ko‘p,qator, tirik,mard, yigit.
MAVZUGA OID MASHQLAR


1-mashq. Olmoshlarni tuzilishiga ko‘ra guruhlarga ajratib yozing.

1.Gap shu yerga yetganda, biz, ushbu sahifalarni o‘qiyotgan hurmatli kitobxonga Afg‘oniston tarixi haqida ikki og‘iz ma'lumot berishni lozim topdik! (Mirm.) 2. U qaysi ko‘chada ketayotibdi, bu ko‘cha unga tanishmi, yo‘qmi, bu haqda o‘ylamasdi. (S.Ahm.) 3. U nimagaki erishgan bo‘lsa, bariga shularning orqasidan erishgan. (S.Anorboev) 4. Bu tomon bilan qaysi bir majlislarda O‘zbek oyim xotinlarning eslarini ham chiqarib ham yuborar edi. (A.Qod.) 5. - ... Endi, men sizga aytsam, biz birovga aql o‘rgatsak tuzuuk, nima dedingiz? (A.Q.) 6. Ularning qaysi hovlidan panoh topganini hyech kim ko‘rolmaydi.(S.Anorboev) 7. Azizning bu fikrini hyech kim rad etmaydi. (O‘.U.) 8. Men uning har bir jangga qanchalik astoydil shaylanishini bilurmen. (P.Q.) 9. Ularning bari jarohatlangan, kimi boshini ushlaydi, kimi belini ko‘tara olmaydi. (O.) 10. Hammasini tinglardim ammo O‘xshashini topmasdim aslo. (H.O.) 11. Xutor sistemasini tugatish bahonasi bilan qancha-qancha gurkirab turgan joylarimiz qurbon bo‘ldi. (J.Abd.) 12. Shundan so‘ng, Saidiyning nazarida, bu qiz ufqday bo‘lib qoldi: unga tomon qancha yursang, u sendan shuncha uzoqlashadi. (A.Q.)