Бошланғич ташкилотлари тўғрисида низом I. Умумий қоидалар

Ўзбекистон Республикаси Халқ таълими вазирлиги, Ўзбекистон ёшлар иттифоқи Марказий Кенгашининг
2017 йил “__” ___________ даги
________ ва ________-сон қарорига
1-илова


Ўзбекистон ёшлар иттифоқининг умумий ўрта таълим муассасаларидаги
бошланғич ташкилотлари тўғрисида
НИЗОМ


I. Умумий қоидалар
1. Мазкур Низом Ўзбекистон ёшлар иттифоқининг умумий ўрта таълим муассасаларидаги бошланғич ташкилотлари фаолиятини тартибга солади.
2. Ўзбекистон ёшлар иттифоқининг умумий ўрта таълим муассасаларидаги бошланғич ташкилоти (кейинги ўринларда бошланғич ташкилот деб юритилади) Иттифоқнинг мақсад-вазифаларини таълим муассасаси миқёсида рўёбга чиқарадиган, таълим муассасалардаги ўқувчилар ва ёш ўқитувчиларни ўз атрофида бирлаштирадиган, уларнинг манфаатлари ва ҳуқуқларини ҳимоя қиладиган энг қуйи тузилма ҳисобланади.
_{3. Бошланғич ташкилотлар умумий ўрта таълим муассасасининг Ёшлар иттифоқи мақсад-вазифаларига хайрихоҳ бўлган камида беш нафар ёшлар ташаббуси билан тузилади ҳамда Иттифоқнинг маҳаллий кенгашлари томонидан рўйхатга олинади.}
4. Бошланғич ташкилотлар умумий ўрта таълим муассасаларида Ўзбекистон ёшлар иттифоқи ҳамда “Камалак” болалар ташкилоти фаолиятини бирга олиб боради.
5. Умумий ўрта таълим муассасаларидаги бошланғич ташкилотлар ўзлари жойлашган ҳудуддаги Иттифоқнинг маҳаллий кенгашларига бирлашади.
6. Бошланғич ташкилотлар, уларнинг етакчи ва сардорлари фаолият йўналиши, қизиқиши ҳамда ёшларнинг талаб-истакларидан келиб чиққан ҳолда, Иттифоқнинг маҳаллий ва ҳудудий кенгашлари қошида ўз ташкилотлари (уюшмалар, марказлар, клублар, тўгараклар ва бошқалар)ни тузиш ташаббусини билдириши ёки мавжуд ташкилотларга ихтиёрий қўшилиши мумкин.
7. Бошланғич ташкилотлар фаолияти Ёшлар иттифоқининг тегишли маҳаллий кенгашлари ҳамда таълим муассасаси томонидан мувофиқлаштириб борилади.
8. Бошланғич ташкилот ўз фаолиятини Ўзбекистон Республикаси Конституцияси, қонунлари, Ёшлар иттифоқининг Устави, “Камалак” болалар ташкилотининг Низоми, таълим муассасаси фаолиятига оид меъёрий ҳужжатлар ҳамда мазкур Низом асосида амалга оширади.