Бошланғич синф ўҚувчиларининг танқидий фикрлаш қобилиятларини ривожлантиришнинг айрим масалалари

БОШЛАНҒИЧ СИНФ ЎҚУВЧИЛАРИНИНГ ТАНҚИДИЙ ФИКРЛАШ ҚОБИЛИЯТЛАРИНИ РИВОЖЛАНТИРИШНИНГ АЙРИМ МАСАЛАЛАРИ


Қодиров Раҳмон Каримович,
Сурхондарё вилоят ХТХҚТМОҲМ
E-mail: [e-mail]
Tel: [phone]
АННОТАЦИЯ
Мақолада бошланғич синф ўқувчиларнинг танқидий фикрлаш қобилиятларини ривожлантириш масалалари баён этилган. Дарсларда ўқувчиларда танқидий фикрлаш қобилиятларини ривожлантириш учун ўқитувчи ва ўқувчи фаолиятининг натижаси дидактик жараённинг мақсади, ўқув материалининг мазмуни, ўқитиш шакл, метод ва воситаларининг тўғри ва оқилона белгиланганлиги ҳамда танланганлигига боғлиқлиги таҳлил этилган.
Калит сўзлар: танқидий фикрлаш, ўқувчи фаолияти, ўқув материалининг мазмуни, ўқитиш шакл, методлари.
АННОТАЦИЯ
В статье рассматривается развитие навыков критического мышления у младших школьников. На уроках анализируются результаты деятельности учителя и учащихся по развитию у учащихся навыков критического мышления, цель дидактического процесса, содержание учебных материалов, правильное и рациональное определение и выбор форм, методов и средств обучения.
Ключевые слова: критическое мышление, деятельность учащихся, содержание учебного материала, форма обучения, методика.
ANNOTATION
The article discusses the development of critical thinking skills of primary school students. The lessons analyze the results of teacher and student activities to develop critical thinking skills in students, the purpose of the didactic process, the content of teaching materials, the correct and rational definition and selection of teaching forms, methods and tools.
Keywords: critical thinking, student activity, content of teaching material, form of teaching, methods.


Кириш. Глобаллашув ва ахборотлар кўлами ниҳоятда кенгайиб бораётган ҳозирги даврда ахборий хуружларнинг жадаллашуви ўқувчиларнинг мазкур ахборотлардан ҳимоялана олиши, уларни тўғридан-тўғри қабул қилмасдан, танқидий ва креатив ёндашув асосида кўриб чиқишлари ва танқидий фикрлаш орқали ўзлари учун муҳим ва фойдали бўлганларини ажратиб олишларини талаб этади. Бу эса, танқидий фикрлаш жараёнида кечади.
Ўрта мактаб ўқувчиларининг танқидий тафаккури - бу тарбия ва таълим жараёнида олинган ижтимоий ва индивидуал муҳим танқидий фазилатларнинг шахсий тизими. Танқидий фикрлаш ўрта мактаб ўқувчилари шахсиятининг тузилишида муҳим ўрин тутади, уларни бартараф этиш учун ижтимоий амалиёт жараёнида қарама-қаршиликлар, хатолар ва камчиликларни билишга ёки очишга ҳисса қўшади, психологик тўсиқларни олиб ташлайди; конструктив танқидни тўғри қабул қилишни ва унга ишбилармонлик билан жавоб беришни ўргатади, фаол ҳаётий позицияни ривожлантиради. Мактаб ёшидаги танқидий фикрлаш - бу ўз-ўзини чуқур англаш, ўзини ўзи қадрлашни шакллантириш, ўзини такомиллаштириш истаги,