Бошқариш маданияти ёхуд раҳбарлик санъати Бошқариш бу

IV. МЕЛАНХОЛИК
1. Уятчан ва тортинчоқ.
2. Янги шароитларда ўзини йўқотиб қўяди.
3. Нотаниш одамлар билан муносабатга киришишда қийналади.
4. Ўз кучига ишонмайди.
5. Ёлғизликни осон кўтаради.
6. Омадсизликларда ўзини эзилган ва саросимага тушгандек ҳис этади.
7. Ўз-ўзи билан бўлишга мойил.
8. Тез толиқиб қолади.
9. Баъзан шипшиш даражасигача тушиб кетадиган паст нутққа эга.
10. Ихтиёрсиз равишда суҳбатдошнинг характерига мослашади.
11. Кўз ёш тўкиш даражасида таъсирчан.
12. Мақтов ва танбеҳларга ҳаддан ортиқ таъсирчан.
13. Ўзига ва атрофдагиларга катта талаблар қўяди.
14. Иккиланиш, шубҳаланишларга мойил.
15. Ўзига оғир олади ва гап кўтаролмайди.
16. Ҳаддан ортиқ даражада салга хафа бўлади.
17. Ичимдагини топ ва одамови, ҳеч ким билан фикрларини ўртоқлаш­майди.
18. Камфаол ва журъатсиз.
19. Итоаткор ва бўйсунувчан.
20. Яқинларда ўзига нисбатан ачиниш ва шафқат ҳиссини уйғотишга ҳаракат қилади.
Бу ерда бирор темперамент блогдаги у ёки бу турдаги ижобий жавоблар сони 16-20 тага етган бўлса, демак шахс ушбу темперамент типига мансуб!
Характер
Характер психиканинг хусусияти, у тарбияга боғлиқ ва темпераментдан фарқли равишда тез ўзгаради.
Инсон характери – бу унинг атроф муҳитга ва ўз-ўзига бўлган муно­сабатлари мажмуасидир. Характер қуйидаги объектларга бўлган муносабат­ларда ифодаланади:

1. 
   Меҳнатга муносабат – шахснинг меҳнаткашлиги ёки ялқовлиги, бирон топшириқни охиригача етказиши ёки ярмисида ташлаб кетиши, пала-партиш ёки тартибли фаолият юритиши, якка тарибда ёки жамоавий меҳнат турини танлаши ва шу каби сифатлари орқали намоён бўлади.
   
2. 
   Одамларга муносабат – самимийлик ёки иккиюзламачилик, мулоқот­га мойил ёки яккаҳол, ҳақиқатпарвар ёки ёлғонга мойиллик, ўзгалар манфа­ати ҳақида қайғуриш ёки ўз манфаатини ҳар нарсадан устун қўйиш ва шу каби шахс хислатлари.
   
3. 
   Нарсаларга бўлган муносабатда – буюмларни тартибли сақлаш ёки бетартиблик, нарсаларни асраб-авайлаш ёки аямаслик, нарсаларнинг қаер­да­лигини хотирада сақлаш ёки паришонхотир.
   

4. Ўз-ўзига муносабат – ғурур, обрў сақлай олиш, ўзига талабчанлик, ўзи­ни назорат этишнинг кучлилиги, ўзини такомиллаштиришга интилиш.