Бошқа тармоқларда бухгалтерия ҳисобининг хусусиятлари

Дебет 
0160 «Транспорт воситалари» 
Кредит
4610 «Таъсисчиларнинг устав капиталига бадаллари бўйича 
қарзи». 
АТВларнинг бошланғич қиймати, юқорида таъкидлаб ўтганимиздек, улар 
қийматини қайта баҳолаш, шунингдек автомобилларни модернизация қилиш 
эвазига кўпайиши мумкин. Автотранспорт корхоналари бошқа хўжалик 
юритувчи субъектлар сингари ҳар йилнинг 1 январь ҳолатига ўзларининг барча 
асосий воситалари, шу жумладан АТВларни қайта баҳолашлари лозим. Қайта 
баҳолаш белгиланган тартибга мувофиқ индекс ёки тўғридан-тўғри баҳолаш 
усулларидан бири бўйича амалга оширилади. Қайта баҳолаш корхона раҳбари 
томонидан тузилган махсус комиссия томонидан ёки шартнома асосида мулкни 
баҳолаш ҳуқуқи бўлган махсус корхона томонидан амалга оширилади. Қайта 
баҳолаш 
натижалари 
«Қайта 
баҳолаш 
далолатномаси» 
билан 
расмийлаштирилади. Ушбу далолатномага асосан АТВлар бошланғич 
қийматини оширилишига қуйидаги ёзув берилади: 
Дебет
0160 «Транспорт воситалари» 
Кредит
8510 «Мулкни қайта баҳолаш бўйича тузатишлар». 
Бир вақтнинг ўзида АТВлар бўйича уларнинг жамланган эскириши 
суммасини оширилишига қуйидагича ёзув қилинади: 
Дебет
8510 «Мулкни қайта баҳолаш бўйича тузатишлар». 
Кредит
0260 «Транспорт воситаларининг эскириши». 
8510 «Мулкни қайта баҳолаш бўйича тузатишлар» счётининг кредити ва 
дебетида акс эттирилган суммаларнинг ижобий фарқи АТВларни қайта 
баҳолаш эвазига вужудга келган резерв капиталини билдиради. Қайта баҳолаш 
натижасида вужудга келган резерв капитали автотранспорт корхонаси 
балансида хусусий капитал элементи сифатида акс эттирилади. 
АТВлар бошланғич қийматини модернизация қилиш эвазига кўпайиши 
махсус «Модернизация қилиш далолатномаси» асосида ҳисобга олинади. Ушбу 
далолатнома махсус комиссия томонидан тузилади ва раҳбар томонидан 
тасдиқланади. АТВлар модернизациясига кетган барча сарф-харажатлар 
дастлаб 0890 «Бошқа капитал қуйилмалар» счётининг дебетида тўпланади. 
Далолатнома асосида модернизация харажатлари суммасини АТВларнинг 
бошланғич қийматига киритилишига қуйидаги ёзув қилинади: