Бошқа тармоқларда бухгалтерия ҳисобининг хусусиятлари

Жорий таъмирланиш ишлари
профилактик нуқтаи назардан доимий 
тарзда ўтказилади. Жорий таъмирлашлар, одатда, ҳар чоракда, шунингдек 
носозлик ҳолатлар юз берган пайтларда ўтказилади. 
Ўрта таъмирланиш
ишлари 
йилига камида бир маротаба ўтказилади. 
Унинг жорий таъмирлашдан фарқи шундаки, бунда АТВнинг айрим қисмлари 
ва агрегатлари алмаштирилади. 
Капитал таъмирлаш ишлари
автотранспорт корхоналарининг бизнес 
режаларига мувофиқ турли муддатларда амалга оширилади. Чунончи, АТВлар 
техник ҳолати ва эксплуатация қилиш интенсивлигига қараб бир неча йиллар 
ичида бир марта таьмирланиши мумкин. Капитал таъмирлашнинг жорий ва 
ўрта таъмирлашдан фарқи шундаки, бунда АТВнинг мотори, борти ва бошқа 
қисмлари тўлиқ ечиб олинади ва қайтадан тахланади, шунингдек яроқсиз ҳолга 
келган агрегатлар тўлиқ алмаштирилади. 
Автотранспорт корхоналари балансида АТВлар қолдиқ қийматида акс 
эттирилади. 
АТВларнинг қолдиқ қиймати
деганда уларнинг бошланғич 
(тикланган) қиймати ва жамланган эскириши суммалари ўртасидаги фарқ 
тушунилади. 
2. Автотранспорт воситалари ҳолати ва ҳаракатининг 
ҳисоби 
 
 
Автотранспорт корхоналарида АТВлар ҳолати ва ҳаракатининг синтетик 
ҳисоби бош китобда очиладиган 0160 «Транспорт воситалари» счётида 

---

юритилади. АТВлар ҳолати ва ҳаракатининг аналитик ҳисоби уларнинг ҳар 
бирига очилган ҳисоб карточкаларида ёки «Асосий воситалар ҳисоби 
китоби»да олиб борилади. Ҳисоб карточкалари автотранспорт корхонасида ҳар 
бир АТВга давлат рўйхатидан ўтгандан сўнг очилади. Ушбу карточкада 
АТВнинг барча техник маълумотлари, унинг сотиб олиниши (бепул 
олиниши)ни тасдиқловчи ҳужжатнинг тартиб рақами, санаси, шунингдек 
бошланғич қиймати, тикланган қиймати, жамланиб борувчи эскириш суммаси, 
қолдиқ қиймати ҳисобот даврлари бўйича акс эттирилади. Ҳисоб карточкаси 
АТВнинг корхонада фойдали хизмат муддатида тўлиқ сақланади. Корхона 
балансидан чиқарилган санага АТВга очилган ҳисоб карточкаси ёпилади.
Автотранспорт корхоналарида АТВлар асосан сотиб олиш, бепул олиш, 
таъсисчилар бадали сифатида киритиш эвазига кўпаяди.
АТВларни сотиб олиниши бухгалтерия ҳисобида тасдиқловчи бошланғич 
ҳужжатлар асосида қуйидаги ёзувлар билан акс эттирилади (18.2-жадвал).