Bosh skeleti, kalla

 
Kichik boldir suyagi -
uzun va nisbatan ingachka naysimon tuzilishiga ega, 
ikky uchi yo`g`onlashgan bo`lib, boldirning latеral (tashqi) qismida joylashadi. 
Shuning uchun ham ko`pincha mayib bo`ladi va jarohatlanadi. Yuqorigi 
yo`g`onlashgan uchi, ya'ni boshchasi tana qismiga qarab qisman ingichkalashib 
bo`yin qismini shakllantiradi. Mеdial yuzasida katta boldir suyagining latеral 
do`ngi bilan bo`g`im hosil qilib birlashadigan yuzaga ega. Suyak tanasi o`z o`qi 
atrofida bir oz buralgan bo`lib, uchta qirrali. Suyak tana qismining mеdial yuzasida 
oraliq parda yopishadigan oraliq qirra joylashgan. Uchta qirralar oralig`ida latеral, 
mеdial va orqa yuzalar bor. Suyakning pastki uchi yo`g`onlashib tashqi to`piqni 
hosil qiladi. Bu to`piq tovon usti suyagani tashqi tomonidan yopib turadi. 
Oyoq panjasining suyaklari -
panja oldi, panja va barmoq suyaklaridan 
tashkil topgan (23-rasm). Bularning tuzilishi va joylashishi o`ziga xos harakat va 
tayanch vazifalarni bajarishga moslashgan. Turli bo`g`imlar vositasida birlashib va 
jamlashib bir butun panjani tashkil etadi, va odamning yurish-turishiga oid turli 
harakatlarni ta'minlaydi.
Panja oldi qismi-
suyaklari ikki qator bo`lib joylashgan 7 ta suyakdan 
tashkil topgan. Ulardan ikkitasi oshiq (tovon usti) suyagi va tovon suyaklari bo`lib, 
orqa, ya'ni proksimal qatorni tashkil etadi. To`rttasi qayiqsimon, uchta ponasimon 
va kubsimon suyaklar oddingi, ya'ni distal qatorini tashkil etadi.
Oshiq (tovon usti) suyak oyoq panja suyaklari ichida yirikroqlaridan bo`lib, 
unda tana boshchasi va bo`yin tafovut qilinadi, yuqori tomonida, g`altaksimon 
bo`g`im vositasida boldir suyaklarining bo`g`im yuzalari bilan birlashadi. Old 
tomonga yo`nalgan bosh qismi esa qayiqsimon suyak bilan bo`g`im hosil qilib 
tutashadi. 

---