Бош мутахассиси лавозимида ишлаб келиб, хизмат вазифаларига кўра

1-savol
Vaziyatga huquqiy quyidagicha baho berib o’tamiz.

N.Shodiev Urgut tumani hokimining bosh mutaxassisi jinoiy sherigi “Sam Qur Bmb” xususiy korxonasi rahbari Isoqov Nasim Oltievich bilan bilan bir guruh bo’lib, oldindan jinoiy til biriktirib, firibgarlik yo’li bilan o’zganing juda ko’p miqdordagi mulkini qo’lga kiritish maqsadida “Saidjonov Ilyosxon” mas’uliyati cheklangan jamiyati direktori I.Sayidjanov tadbirkorlik faoliyati bilan shug’ullanish maqsadida Urgut erkin iqtisodiy zonasi hududidan yer maydoni ajratib berishda amaliy yordam so’rab kelganligidan foydalanib, N.Isoqov bilan birgalikda tadbirkorlik faoliyati bilan shug’ullanish istagidagi I.Sayidjanovdan Urgut tumani erkin iqtisodiy zonasi hududidan yer maydoni ajratib berishini va’da qilib, mansabdor shaxsga pora berishga dalolat qilib qiziqtirib, buning evaziga esa firibgarlik yo’li bilan o’zlashtirishni maqsad qilgan.

Jinoyatni tahlil qilar ekanmiz, jinoyat tarkibini aniqlaymiz.
N.Shodievning harakatlarida amaldagi Jinoyat kodeksining 168-moddasi va 211-moddasi bilan bog’liq qilmish mavjud bo’lib, JKni 168-moddasi dispozitsiyasida quyidagicha izohlangan.
“Firibgarlik, ya’ni aldash yoki ishonchni suiiste’mol qilish yo‘li bilan o‘zganing mulkini yoki o‘zganing mulkiga bo‘lgan huquqni qo‘lga kiritish”
JKni 211-moddasiga quyidagicha ta’rif berilgan.
“Pora berish, ya’ni davlat organi, davlat ishtirokidagi tashkilot yoki fuqarolarning o‘zini o‘zi boshqarish organi mansabdor shaxsiga mazkur mansabdor shaxsning o‘z xizmat mavqeyidan foydalangan holda sodir etishi lozim yoki mumkin bo‘lgan muayyan harakatni pora bergan shaxsning manfaatlarini ko‘zlab bajarishi yoki bajarmasligi evaziga qonunga xilof ekanligini bila turib bevosita yoki vositachi orqali moddiy qimmatliklar berish yoki uni mulkiy manfaatdor etish”
Jinoyat obyekti - Hokimiyat, boshqaruv va jamoat birlashmalari organlarining faoliyat tartibi va o‘zgalar mulkini talon-toroj bilan bog’liq ijtimoiy munosabatlar