"Bolalarning matematik tasavvurlarini shakllantirish"

Fanning boshqa fanlar bilan bog’liqligi, uslubiy jihatdan uzviyligi va ketma-ketligi.
Ilk matematik tushunchalarni rivojlantirish metodikasi fani mutaxasislik fani xisoblanib u to`rt semestrda o’qitiladi. Dasturni amalga oshirish umumkasbiy “Maktabgacha ta`lim pedagogikasi”, maxsus fanlardan (“ Nutq o’stirish nazariyasi va metodikasi”, “Bolalarni tabiat bilan tanishtirish metodikasi”, “Tasviriy faoliyat”, “Jismoniy tarbiya nazariyasi va metodikasi”, “Musiqa”, “Bolalar adabiyoti”, “Komp`yuter saboqlari”) fanlariga bog`lab olib boriladi, shuningdek “Matematika asoslari” fanlaridan o`quvchilar yetarli bilim va ko’nikmalarga ega bo’lishlari talab etiladi.Ta`lim oluvchilarning nazariy bilimlarini chuqurlashtirish va amaliy ko`nikmalarini rivojlantirish uchun o`quv materiallari turli usullarda taqdim etiladi. Ta`lim jarayonida o`qitishning an`anaviy va interfaol usullaridan foydalanganda ular izchil va ketma-ketlikda qo`llanishi lozim, bunda ta`lim metodlari va texnologiyalari mavzuning didaktik vazifasi hamda o`quv materialining mazmunidan kelib chiqgan holda tanlanadi.