Bolalarni o’yinga chorlang, [

Учинчи қисм- вазифанинг бажарилиши бўйича тахлил ва болаларни рағбатлантириш.

Фронтал (умумий гурух билан ишлаш) машгулотлар тури 3 хил бўлади. Анъанавий, ноанъанавий, мужассам (интеграллашган) машғулотлар.
Фронтал машғулотлар ҳақида қуйидагиларни маълум қиламиз.
Анъанавий машғулотлар - бу машғулотларда тарбиячи режадаги мавзуни тўғридан тўғри ёритади. Машғулот давомида кўргазмали, тарқатма материаллардан фойдаланиши, болаларни турли холатда ўтказиши,саволлар асосида болаларнинг билимларини аниқлаши, мустаҳкамлаши мумкин. Машғулот 3-қисмдан иборат бўлади. Келинг бир машғулот асосида фронтал машғулот турларини кўриб чиқамиз. Машғулотда масалан жисмоний тарбия машғулотининг 1 -қисми кириш қисми бўлиб, унда болалар билан юриш, югуриш турлари машқ қилинади, сафланиш ва қайта сафланиш машқлари, умумгавдани ривожлантирувчи машқлар бажарилади. Болалар сафланиш орқали гурухларга бўлиниб бўлганларидан сўнг машғулотнинг 2- қисмига ўтилади. Бу қисмда асосий ҳаракат турлари масалан узунликка сакраш, мувозанатни сақлаб юриш ва улоқтириш ҳаракатларини бажариш режага олинган бўлиши мумкин. Узунликка сакраш билим берувчи, кейинги иккита харакат мустахкамланиши керак бўлган ҳаракатлар ҳисобланади. 3 та гуруҳга бўлинган болалар юқоридаги ҳаракатларни кетма -кетликда бажарадилар. Узунликка сакраш янги мавзу бўлгани учун жисмоний тарбия йўриқчиси ўзи 1- гуруҳ билан шугулланади. Кейинги иккита ҳаракатнинг бажарилишини 2 та гурухда тарбиячи ва тарбиячи ёрдамчиси болаларга бажаришда ёрдам берадилар. Ҳаракатларни бажариш алмашинади, токи ҳар бир бола бугунги машгулотда ўргатилаётган ҳаракат турларини бажариб бўлмагунча. Асосий харакат турлари бажариб бўлингандан сўнг, болалар билан ҳаракатли ўйин ўйналади. Ҳаракатли ўйин билим берувчи харакатни мустахкамлашга қаратилади. Биз танлаган машгулотда узунликка сакраш ҳаракатини мустахкамловчи "Бўри ҳандақда" ўйинини олиш мумкин. Болалар билан ўйин ўйналади ва машғулотнинг 3- қисмига ўтилади. Бу қисмнинг асосий мақсади болалардаги энергияни пасайтиришга, уларни тинчлантиришга қаратилади, яъни тинч ўйинлар, ёки нафас ростлаш машқлари бажарилади. Шу билан анаънавий фронтал машғулот якунланади.