Болаларда агрессив хулқ атвор психологик коррекцияси

“Qorbobo” mashqi
Ushbu mashqdan kichkina o‘yin tashkil qilish mumkin. Bunda xayolan qor uyumini yig‘ib dumalatish va qorbobo yasash mumkin.
Shunday qilib “bolalar hovlida qorbobo yasashdi. Qorbobo judayam chiroyli chiqdi. Uning boshi, tanasi, ikkita qo‘li bor va u ikkita baquvvat oyoqlarda turibdi. Kechqurun sovuq shamol esa boshladi va bizning qorbobomiz muzlay boshladi. Avvaliga uning boshi muzladi (bolalardan boshi va bo‘ynini zo‘riqtirishini so‘rang) so‘ngra yelkalari (elkalarni zo‘riqtirish), keyin tanasi (tanani zo‘riqtirish) sovuq qota boshladi. Shamol esa yanada qattiqroq esib qorboboni buzmoqchi bo‘ldi. Qorbobo oyoqlari bilan tirmashib turib oldi (oyoqlar zo‘riqtiriladi) va shamol uni buza olmadi. Shamol to‘xtadi, tong otdi, quyosh chiqdi, qorboboni ko‘rib isitmoqchi bo‘ldi. Quyosh qizdira boshladi va bizning qorbobomiz eriy boshladi. Avvaliga boshi eriy boshladi (bolalar erkin holda boshlarini tushiradilar) keyin yelkalari (bolalar yelkalarini bo‘shashatirib tushiradilar) so‘ngra esa qo‘llari (qo‘llar tushiriladi), tanasi (bolalar tanasini bo‘shashtirib oldinga engashadilar), oyoqlari eriydi (bolalar asta sekin tizzalarini buklaydilar). Bolalar o‘tiradilar keyin astalik bilan yotadilar. Quyosh qizdirmoqda, qorbobo erib ko‘lmakka aylanadi”
Bo‘shashtiruvchi mashqlarni doimiy bajarish bolani xotirjam, vazmin, shuningdek, o‘zidagi g‘azab hissini yaxshiroq anglashiga yordam beradi.