Bolalar uchun tavsiya etilgan sport turlari (new)

Abdumavlon Rashidov

Raqs

    Ritmika bilan 3 yoshdan shug'ullanish mumkin. Klassik raqslar bilan - 6-7 yoshdan qatnashish mumkin. Ritmik gimnastika yassi oyoqlikda, qorinni oldinga chiqarib yurishda, to'g'ri nafas olishni bilmaslikda, nutq muammolarida tavsiya etiladi.

    Klassik raqs, ya'ni balet 6-7 yoshga qadar tavsiya etilmaydi. Qiz bolalar baletni juda yoqtiradilar, ayniqsa pachka va puantalarni kiyib haqiqiy balerinalardek raqs tushishni xohlaydilar.

    Balet bolada o'ziga ishonchni ishlab chiqaradi, o'z tayanchini mustaqil tutishga o'rgatadi, ko'rkamlik va go'zallik baxsh etadi. Raqs asabiy, uyalchan va nozik qizlarga tavsiya qilinadi. Ular raqs mashg'ulotlari bilan shug'ullanar ekanlar, ularda o'ziga ishonch uyg'ona boshlaydi, boshqa insonlar bilan muloqot qilishga sekin-asta o'rgana boshlaydi. Raqs o'qituvchisi juda tajribali bo'lishiga alohida e'tibor bering, chunki bolaning oyoqlari, umurtqa pog'onasining qiyshayishi, bolaning rivojidagi nosoz oqibatlar paydo bo'lishiga olib kelishi mumkin.

    Bola puantalarda 10 yoshidan boshlab raqsga tushishi mumkin. Akrobatik mashqlar bolalarga umuman man qilinadi. Raqs o'qituvchisiham o'z navbatida boladan me'yordagi maqshlarni talab qilishi lozim.

    Raqsga tushish juda foydalidir. Ozgina eshitish qobiliyati bo'lsa bo'lgani, har qanday ritmik musiqaga bola o'zining raqsini o'ylab to'qishi mumkin. Eng muhimi harakatlarda tananing barcha a'zolari ishtirok etsa bo'ldi. Eng muhimi bola sur'atni his etishidir. Bola o'ynaganda harakatlari yengil bo'lishi ijobiydir, chunki oyoqlarning bunday harakati yengillik va chaqqonlikni rivojlanadi. Ayniqsa, uyalchan yigit va qizlar yakka raqs tushganlari foydali hisoblanadi, ularda bunday yo'l orqali o'zidagi ishonch kuchayadi.

Skeytbordda uchish

    Skeytbordda uchish tananing barcha mushaklarini mustahkamlashtiradi. Harakat koordinaciyasini mukammallashtiradi. Lekin murakkab sakrash harakatlarinini bajarayotganda juda ehtiyot bo'lmoq zarur, ularni sport murabbiysi bilan birgalikda bajarish o'rinli hisoblanadi.

- 4-bet -