Bolalar uchun tavsiya etilgan sport turlari (new)

Abdumavlon Rashidov

Dzyudo

    Ushbu sport turiga asosan o'g'il bolalarga 7 yoshdan borish tavsiya etiladi. Tananing barcha mushaklariga ijobiy ta'sir o'tkazadi, to'g'ri nafas olishni rivojlantiradi, tartibga, o'zini boshqarishga va o'ziga bo'lgan ishonchni mustahkamlaydi. Umurtqa pog'onasi kasalliklari mavjudligida man etiladi. Terisi nozik bolalarga ham tavsiya etilmaydi, chunki turli yiqilishlar va urishlar natijasida vujudga kelishi mumkin bo'lgan ko'karishlarning ehtimoli kattadir.

Eshkak eshish

    Eshkak eshish - o'g'il va qiz bolalar uchun 14 yoshdan tavsiya etiladi. Bel, oyoq, qo'llar mushaklariga yaxshi ta'sirini o'tkazadi, suyaklarni yumshoq va egiluvchan qiladi. Qizlarning ko'krak qafasi yaxshi rivojlanadi.

Tennis

    Tennis - "bir taraflama" sport turidir. Ushbu sport turi bilan 12 yoshgacha shug'ullanish tavsiya etilmaydi. Chunki u tufayli tananing bir tarafi ikkinchi tarafiga nisbatan ko'proq rivojlanadi. Tananing ikkinchi qismi rivojda orqada qolmasligi va farq qilmasligi uchun maxsus mashqlar bilan shug'ullanish tavsiya etiladi. Maxsus mashqlar bilan shug'ullanmaslik natijasida tanada umurtqa pog'onasining o'ngtaraflama skoliozi rivojlanishi mumkin. Agar bola ushbu sport turi bilan shug'ullansa, u bolani tinchlantiradi, suyaklarni eguluvchan xususiyatini paydo qiladi.

Gimnastika

    Gimnastika o'g'il bolalarga va qiz bolalarga 8 yoshdan tavsiya etiladi. Ushbu sport turini uyda shug'ullanadigan gimnastika bilan adashtirmang. Gimnastika o'ziga xoda, brus, ot, aylana, tramplinlardagi mashqlarni o'z ichiga kiritadi. Egiluvchanlik va chaqqonlikni rivojlantiradi. Ayniqsa qiz bolalar uchun tavsiya etiladi. Ushbu sport turi bolaga go'zallik, ko'rkamlikni baxsh etadi. Harakatlarning aniq va dadilligiga o'rgatadi.

    O'g'il bolalarga og'ir yukli mashqlardan tashqari, barcha mashqlar foydalidir. Yukli mashqlar bola kattaroq yoshga to'lganida ruxsat beriladi.

- 3-bet -