Bolalar psixologiyasi

Amaliy qobiliyatlaming rivojlanishi. Amaliy faoliyatli qobiliyatlar inson hayotida katta ahamiyatga ega. Ular orasida tashkilotchilik asosiy rol o‘ynaydi. Ularni kichik maktab yosh davrida kuzatishimiz mumkin. Tashkilotchilik qobiliyatining paydo bo‘lishi muloqotchanlik va guruhdagi faoliyatning rivojlanishi bilan uzviy bog‘liq. Konstruktiv amaliy qobiliyatlar bog‘cha yosh davrida yaxshi rivojlanadi.

Ko‘pincha bolalar tomonidan ushbu tipdagi konstuktorlash jarayonida yaratilgan qurilmalar o‘zlarining faoliyatlarida foydalanish uchun qo‘l keladi (qurilgan kema sayohatga jo‘naydi, uychalariga nafaqat qo‘g‘irchoq sig‘adi, balki o‘zlari ham joylashadilar).

Qurilmalarni yaratish uchun maxsus qurilish vositalaridan ham foydalaniladi (masalan, taxtachaIar, yog‘och, faner va kartondan yasalgan qutilar va h.z.). Ushbu konstruktorlash tipi nafaqat maktab bolasining konstruktorlash qobiliyatini, balki muloqotning zarur malakalari, axloqiy sifatlarning faol shakllanishini ta'minlaydi. Bolalar o‘zaro rejalashtirilgan harakatlari jarayonida maslahatlashish, tashabbus ko‘rsatish, o‘z takliflarini inobatga oldirish, yonbosish, bir-biriga yordam berish, umumiy yutuqdan zavqlanishni o‘rganadilar.

Ijodiy konstruktorlash ayniqsa, kichik maktab yosh davrida yorqin namoyon bo‘ladi, ulardan o‘z faoliyatini mustaqil rejalashtirish, ijodkorlikka moyillik kabilarni kuzatishirniz mumkin.