Bolalar kasalliklari propedevtikasi

Neytrofilli  leykotsitoz  neytrofillarni  qonda  ko‗payib  ketishi.  Bu  bola 
yig‗laganda, xursand bo‗lganda, jismoniy ish vaqtida, harorat ta‘sir qilganda sodir 
bo‗ladi.  Xastalik  natijasi  esa  har  xil  infeksiyalarda  (kokk  mikroblarini  ta‘sirida) 
yiringli  kasalliklarda  qon  ifloslanganida,  sepsis,  zotiljam  kasalliklarida,  ko‗k 
yo‗talda, leykoz kasalligida paydo bo‗ladi. 
Leykoz kasalligida haddan tashqari ko‗p miqdorda boshlang‗ich yetilmagan 
xujayralar:  mieloid  leykozda  mieloblastlar,  limfoid  leykozda  limfoblastlar  va 
monitsitar leykozda monoblastlar ishlab chiqariladi. Leykozlar o‗tkir va surunkali 
bo‗lib,  bular  uchun  xos  bo‗lgan  narsa  bu  limfoid  va  mieloid  to‗qimalarni, 
mieloblastlarni,  promielotsitlarni  xaddan tashqari  o‗sib ko‗payib  ketishidir.  O‗tkir 
va  surunkali  leykozlarni  bir  biridan  farqi  shuki,  periferik  qon  tarkibidagi  o‗tkir 
leykozda o‗ziga xos "leykemik bo‗shliq" yoki "leykemik o‗pirilish" mavjud, ya‘ni 
bunda  yetilgan  va  yetilmagan  xujayralar  o‗rtasidagi  leykotsitlar  yo‗qolib,  qon 
elementlarini  ozgina  yetilgan  leykotsitlar  bilan,  asosan,  blast  xujayralar  tashkil 
etadi.  Surunkali  leykozda  esa  barcha  davrdagi  oralik  xujayralari  mavjud  bo‗ladi. 
Periferik  qondagi  leykotsitlar  miqdoriga  qarab  leykemik  (50000-100000), 
subleykemik (30000-50000), aleykemik leykoz (leykotsitlar mikdori normada yoki 
normadan  past  bo‗ladi).  Neytrofillarni  chapga  siljishi  yosh  leykotsitlarni  paydo 
bo‗lishi  bilan  birgalikda  kuzatilib,  uning  hosil  bo‗lishi  leykotsitlarning  hosil 
bo‗lishi  tezlashganligidan  dalolat  beradi.  Agar  u  neytrofilez  bilan  kechsa,  uning 
ijobiy  tomonga  o‗zgarganligini  bildiradi.  Chapga  siljish  umumiy  leykotsitlarning 
miqdorini  o‗zgarmasligi  bilan  kechsa,  yomon  natijadan(prognozdan)  dalolat 
beradi. Piknotik yadro, toksik donador leykotsitlarning bo‗lishi og‗ir intoksikatsiya 
belgisi hisoblanadi. 

---

 
257 
Limfotsitoz – periferik qonda limfotsitlarning ko‗payishi bo‗lib, bolalikning 
erta  davrida  kuzatiladi.  Limfotsitoz-mutloq  va  nisbiy  bo‗ladi.  Periferik  qonda 
leykotsitlarni  mutloq  va  nisbiy  ko‗payishi  3  yoshgacha  bo‗lgan  bolalik  davrida 
uchrab turadi. Xastalikda limfotsitoz qizilchada (krasnuxa), gripp, ORVI, qizamiq, 
ko‗k yo‗talda, qorin tifida kasallikning boshlanishida va tuzalish davrida, yuqumli 
mononukleozda,  anginada,  limfotsitar  reaksiyasi  yuz  beradi.  Limfotsitlarni  juda 
ko‗p bo‗lishi limfoleykozda, limfotsitar reaksiyasi sodir bo‗lganda uchraydi.