Bolalar kasalliklari propedevtikasi

 Trombotsitoz  –  trombotsitlar  sonini  ko‗payishi  ko‗p  xil  yuqumli 
kasalliklarda (zotiljam, bod va boshqalar) kuzatiladi. 
 Trombotsitopeniya  –  trombotsitlarni  kamayishi  og‗ir  kamqonlikda, 
leykozda va Verlgof kasalligida ( trombotsitopenik purpura) kuzatiladi. 
Eritrotsitlarni  cho‘kish  tezligi.  (SOE)  xastalikni  aniqlashda  katta  rol 
o‗ynaydi,  hamda  organizmni  infeksiyaga  bo‗lgan  reaksiyasini  bildiradi.  SOE  ni 
tezlashishi kasallikni kuchayishini, pasayishi esa tuzalishdan dalolat beradi. Lekin 
bu  qonda  o‗zgarmasligi  ham  mumkin.  Masalan:  ko‗k  yo‗talda  SOE  o‗zgarmaydi, 
agar  o‗zgarsa  boshqa  xastalikni  qo‗shilganidan  darak  beradi.  Agar  bolani  ahvoli 
og‗irlashib,  SOE  o‗zgarmasa,  natija  yaxshi  emas,  ya‘ni  organizmni  kuchi 
qolmaganligini  bildiradi  EChTning  o‗ta  balandligi  leykozda,  og‗ir  anemiyada, 
gipertoniyada, xavfli o‗smalarda kuzatiladi. 
Jismoniy  zo‗riqishda  qisqa  vaqt  EChT  ko‗tariladi,  bunday  holatni 
emotsional  holatlarda,  yig‗laganda,  baqirganda,  hayajonlanganda  kuzatishimiz 
mumkin. 
Mieloblast  leykozida  donador  leykotsitlar,  bosh  xujayralardan 
mieloblast, oraliq xujayralardan promielotsit, mielotsit va yosh neytrofillar bo‗ladi. 

---

 
259 
Leykotsitoz bilan donador leykotsitlarning periferik qonda paydo bo‗lishi yuqumli 
yoki  yiringli  prognozidan  dalolat  beradi.  Periferik  qonda  regenerativ  formalardan 
tashqari degenerativ formalarini paydo bo‗lishi gigant neytrofillar, leykotsitlarning 
toksik  donadorligi,  plazmatik  xujayralarning  paydo  bo‗lishi  kuzatiladi. 
Leykotsitlarning  toksik  donadorligi  og‗ir  yallig‗lanish  protsesslarida,  leykozda 
kuzatiladi. Gigant neytrofillarning periferik qonda paydo bo‗lishi suyak ko‗migida 
qon hosil bo‗lishi va yetilishining buzilishida kuzatiladi. Plazmatik xujayralar qon 
to‗qimalarninig  qitiqlanish  natijasida  periferik  qonda  paydo  bo‗lib  qorin  tifi, 
qizilcha, zotiljam, meningitda kuzatiladi.  
Bolani bo‗tunlay tekshirgandan keyin qonni tekshirishga o‗tiladi. Qonni esa 
laborotoriyada  tekshiriladi.  Qonda  gemoglobinni  miqdori  kolorimetrik  usul  bilan 
aniqlanadi.