Bolalar kasalliklari propedevtikasi

Kussmaul tipida nafas olish "quvilgan hayvon" nafas olishini eslatib, 
bunda nafas olish faqatgina nafasning tezlashishi va chuqurlashishi bilan ajralib 
qolmasdan  odatdagi  tanaffus  (pauza)  yo‗qligi  bilan  harakterlanadi.  Bunday 
nafas  olish  nafas  olish  buzilishining  og‗ir  xilida  uchraydi.  Bolalarda  ko‗krak 
sohasidagi  og‗riqdan  shikoyat  qilishlari  mumkin,  bunday  og‗riqlar  plevritlarda, 
krupoz  zotiljamda  qovirg‗alararo  nevritda  yoki  miozitlarda  bo‗lishi  mumkin. 
Og‗riqlar  sohasini,  ularning  nafas  aktiga  bog‗liqligini,  og‗riqlar  kuchini,  doimiy 
yoki  vaqti  vaqti  bilangina  aniqlash  ham  zarur.  Plevral  og‗riqlar  odatda  chuqur 
nafas  olgan  paytda  bo‗lib,  yelka  sohasiga  tarqaladi.  Qattiq  og‗riqlar  ko‗pincha 
kovirg‗alar singanda, leykozlarda va boshqa qon kasalliklarida uchraydi.  
TUG‘MA  STRIDOR.  Bolalar  nafas  olganda  ba‘zan  chiyillagan  shovqin 
eshitilib,  bu  mushuk  xirillashiga,  kaptar  gurullashiga,  tovuq  qoqoqlashiga 
o‗xshab  ketadi.  Bu  shovqin  bola  hayajonlanganda,  yo‗talganda, 
yig‗laganda  kuchayib,  issiq  xonada,  uxlaganda,  tinchlanganida  kamayadi. 

---

 
157 
Bolaning  umumiy  ahvoli  deyarli  o‗zgarmaydi.  Kasallikni  ko‗pchilik  mualliflar 
xiqildoq  tashqi  halqasining  cho‗michsimon  tog‗aylarini  anomal  taraqqiy 
etishi bilan bog‗lashadi. Stridor bola tug‗ilgandan keyin tezda boshlanib, 2- 3 
yoshlarda  yo‗qolib  ketadi.  Bolada  stridor  kuzatilganda  ayrisimon  bezning 
kattalashmaganligiga,  bronxoadenit,  tug‗ma  yurak  nuqsoni  yo‗qligiga 
ishonch hosil qilish lozim bo‗ladi.