Bolalar kasalliklari propedevtikasi

Kasallik  anamnezi:  a)  xastalik  muddati  va  qanday  boshlanganligi  (o‗tkir 
yoki  asta  sekin).  b)  kasallikka  olib  kelishga  mumkin  bo‗lgan  sabablar  va  shart-
sharoitlar.  v)  nafas  yo‗llari  kasalliklariga  sabab  bo‗lishlariga  mumkin  bo‗lgan 
a‘zolar  xastaliklari.  g)  kasallikning  kechishi  va  o‗tkazilgan  davolash 
muolajalarining  effektivligi  so‗rab  bilinadi.  Shuni  unitmaslik  kerakki,  ko‗pincha 
kichik  yoshdagi  bolalarda  zotiljam  nafas  yo‗llarining  o‗tkir  virusli  kasalliklaridan 
so‗ng rivojlanadi, chunki viruslar, ya‘ni virusli kasalliklar zotiljam etiologiyasi va 
patogeneziga  bevosita  taaluqli  bo‗ladi.  Surunkali  nafas  organlari  kasalliklari 
belgilarining  rivojlanishi  tartibini  o‗rgana  borib,  vrach  bemor  ahvolini 
yaxshilanadigan  davrlari  nimalarga  bog‗liq  bo‗lganligini,  davolash  qanday 
sharoitlarga  olib  borganligini  ham  aniqlaydi.  Shuningdek  vrach  homilaning 
yo‗ldosh  orqali  gripp,  sitomegaliya  yoki  boshqa  infeksiyalar  bilan  zararlanishi 
ehtimolini  ham  uno‗tmaslik  kerak.  Bundan  tashqari,  kichik  yoshdagi  bolalarda 
o‗pka kasalliklari, sepsis, yiringli otit, osteomielit singari kasalliklarning asoratlari 
ham  bo‗lishi  mumkinligini  yoki  aksincha  holat  ham  extimoldan  holi  emasligini 
nazarda tutish lozim.