Bolalar kasalliklari propedevtikasi

Obstruktiv  (spastik)  bronxit.  Bunda  ham  bronxitga  xos  simptomlar 
kuzatiladi,  ammo  obstruktiv  sindromlar:  ekspirator  nafas  qisish,  ko‗krak 
qafasini  bo‗rtirib  turishi,  perkussiya  tovushini  korobka  tovushiga  oid 
bo‗lishi,  nafas  chiqarishii  cho‗zilishi  va  bunda  xushtaksimon  xirillashlarni 
eshitilishi  juda  rivojlangan  bo‗ladi.  Bunda  bronx  yo‗llarida  yallig‗lanish 
infiltratsiyasini,  ko‗p  mikdorda  shilliqli  suyuqliklar  va  shishni  paydo 
bo‗lib,  bronx  yo‗llarida  turib  qolishi  obstruksiyani  paydo  bo‗lishiga  olib 
keladi.  Agarda  bunda  bronx  yo‗llari  bo‗tunlay  berkilsa,  o‗pkaning  o‗sha 
segmenti  yoki  bo‗lagida  xriplar  yuqolib,  nafas  tovushlari  juda  pasayadi  yoki 
umuman eshitilmaydi. 
Bronxiolit.  Kasallik  erta  yoshdagi  bolalarda,  ayniqsa  tug‗ilishping 
birinchi  oylarida  nisbatan  ko‗p  uchraydi.  Odatda  oilada  kattalar  yengil 
respirator infeksiya o‗tkazganda bola tezda kasallanib qoladi. 
Klinikasi. Kasallik boshlanishda yengil tumov subfebril temperatura bilan 
boshlanib, 2-3 kun o‗tgach bemor ahvoli tezda og‗irlashadi. Bunda nafas qisish 
(yordamchi muskullar ishtiroqi bilan), burun  qanotlarini kengayishi, og‗iz atrofi 
sohasini  ko‗karishi  paydo  bo‗ladi.  Obstruktiv  jarayonni  ko‗payishi  bilan  bemor 
betoqatlanib, nafas olishni yetishmasligi ortadi. Nafas olish soni 1 minutga 70 - 
90  ga  yetadi.  Perkussiyada  korobka  tovushiga  oid  tovush  eshitiladi. 
Auskultatsiyada  musiqasimon,  xushtaksimon  quruq  va  ko‗p  mikdorda  mayda 
pufakchali  xirillashlar  eshitiladi.  Rentgenologik  tekshirishda  o‗pka  bo‗laklari 
tiniqligini hamda bronx - qon tomir ko‗rinishini ortishi kuzatiladi.