Болалар касалликлари пропедевтикаси ва умумий парвариш кафедраси касаллик тарихи лойихаси

Ўмров усти лимфа тугунлари ўмров усти чуқурчасида жойлашган. Пальпацияда тўш-ўмров –сўрғичсимон мушак оёқчалари ораси пайпасланади, мушак толалари бўйлаб пайпасланади. Соғлом болаларда аниқланади.
Ўмров ости лимфа тугунлари ўмров ости чуқурчасида жойлашган. Пальпацияда ўмров суяги остидан, юқориги қовурға бўйлаб пайпасланади. Қўллар кўкрак қафасининг икки томонлама қўйилади ва ярим букилган бармоқлар билан лимфа тугунлар пальпацияланади, қовурғалар босилади. Соғлом болаларда аниқланмайди.
Қўлтиқ ости лимфа тугунлари қўлтиқ ости соҳасида жойлашган. Пальпацияда бемордан қўлини ён атрофга кўтарилиши сўралади, яъни текширувчи қўлини қўлтиқ ости соҳасига қўйиши учун. Сўнг бемор қўлини туширади, текширувчи лимфа тугунини аниқлайди.
Тирсак лимфа тугунлари бармоқлар билан болани елкасини пастки учдан бир қисмини ушлаб, тўғри бурчак остида тирсак бўғимида букилади ва кўрсатгич, ўрта бармоқлар билан сирпанувчи ҳаракат билан икки бошли мушакнинг ариқчаси бўйлаб пайпасланади. Соғлом болаларда аниқланмайди.
Кўкрак лимфа тугунлари катта кўкрак мускулининг пастки қирғоғида жойлашган. Пальпацияда тўртта бармоқлар ярим букилган ҳолда кўкрак қафасининг олдинги юзаси катта кўкрак мускулини пастки қирғоғи пайпасланади. Соғлом болаларда аниқланмайди.
Чов лимфа тугунлари пупарт бойлами бўйлаб жойлашган. Пальпацияда текширувчининг қўллари сонга пупарт бойламига параллел ҳолда қўйилади, ярим букилган ҳолдаги тўртта бармоқ билан сирпанувчи ҳаракат орқали пупарт бойлами пайпасланади. Соғлом болаларда нўхотсимондек аниқланади.
Пальпацияда қуйидаги белгилар аниқланади: миқдори, касалликлари, катталиги, консистенцияси, қўзғалиши, атрофдаги юмшоқ тўқималар билан боғлиқлиги, ҳамда томирлар деворининг синувчанлигини аниқланади.
Пирогов-Вальдейер халкум лимфатик халкасини хам текшириш зарур. Бунинг учун шпателдан фойдаланиб болага огзини катта очишини сураймиз ва танглай муртакларини, тил лимфа тугунларини куришимиз мумкин. Бунда танглай муртакларининг катталигига, караш борлигига, унинг характерига эътибор берамиз. Бурун-халкум муртаклари хоаналар ортида жойлашган. Улар катталашганда бурун оркали нафас олиш кийинлашиши, манкаланиб сузлаш, эшитишни пасайиши, кечаси хуррак отиш кузатилади. Бу холат учун аденоид юз характерли:бефарк юз, калин лаблар, очик огиз.