Болалар жарроҳлигининг ривожланиш тарихи. Замонавий

 
Болаларда суяк ва юмшоқ тўқималарнинг йирингли - яллиғаниш 
касалликлари. Семиотикаси, диагностикаси ва давоси. 
Фурункул. 
Битта соч халтачаси ва унга очиладиган ёғ безларининг 
атроф тўқималари билан биргаликда ўткир йирингли яллиғланишига 
фурункул дейилади.
Касалликнинг клиник кечишида 2 та босқич тафовут қилинади: 
инфильтрация ва абсцессга ўтиш босқичи. Фурункул касаллигида 
беморларнинг умумий аҳволи ўртача оғирликда, оғир ва асоратланганда ўта 
оғир бўлади. Касалликнинг юз ва бўйин соҳаларида учраши оғир кечиб ҳар 
хил асоратларни келтириб чиқаради. Айниқса, юз фурункуллари ва унинг 
оғиз бурчагидан юқорида (юқори лаб, бурун-лаб бурмаси, бурун, суборбитал 
соҳа) жойлашиши жуда хавфлидир. Баъзан беморларда юз веналари 
тромбофлебити, йирингли менингит, сепсис, флегмона, лимфангит, 
лимфаденит каби асоратлар кузатилади.
Маҳаллий даво касаллик босқичига қараб ўтказилади. Инфильтрация 
босқичида консерватив даво қўлланилади Касалликнинг абсцессга ўтиш 
босқичида беморлар оператив йўл билан даволанади.
 Фурункулёз
. Тананинг турли соҳаларида жойлашган бир нечта соч 
халтачалари ва уларга очиладиган ёғ безларининг атроф тўқималари билан 
биргаликда йирингли яллиғланишига фурункулёз дейилади.
Фурункулёзда ҳам 2 та босқич: инфильтрация ва абсцессга ўтиш 
босқичлари тафовут қилинади.. Беморларнинг умумий аҳволи ўртача 
оғирликда бўлади. Уларда сурункали иммунтанқислик ҳолати (иммунологик 
текширишларда) ва анемия аниқланади. Касалликнинг юз ва бўйинда 
учраши хавфли бўлиб, бунда баъзан фурункул касаллигида бўлгани каби 
асоратларни келтириб чиқаради.
Фурункулёз 
билан 
оғриган 
беморларни 
даволаш 
йирингли 
касалликларни даволашнинг 3 та қоидасидан ва касалликнинг босқичидан 
келиб чиққан ҳолда комплекс равишда олиб борилади. 
 Карбункул. 
Тананинг маълум бир соҳасида ёнма-ён жойлашган бир 
нечта соч халтачалари ва уларга очиладиган ёғ безларининг атроф 
тўқималари билан биргаликда ўткир йирингли яллиғланишига ҳамда 
уларнинг қўшилиб кетишига карбункул дейилади. 

---

21 
Касалликни кўпинча тилла ранг стафилококк чақиради, лекин айрим 
ҳолатларда уни стафилококк ассоциациялари ҳамда соч фолликулаларига 
кириб олган стрептококкнинг ўзи ҳам қўзғатиши мумкин. Карбункул одатда 
битта бўлади ва кўпроқ катта ёшли одамларда учрайди. Касаллик асосан 
бўйиннинг орқа қисми, энса, курак, бел ва лаб соҳаларида жойлашади.