Болалар ёшида учрайдиган тиш каттик

8 Bob. TISH KASALLIKLARIDA RENTGEN TASVIRINING TAXLILI 
 
Kariyes xastaligida 
kariyes kovagi rentgen tasvirida dumaloq, oval yoki 
noto`g`ri shakldagi qattiq to`qimaning siyraklashgan yoki uning (toj qismining) 
chet sohalaridagi anatomik chegarasining buzilganligi kabi o`zgarishlar sifatida 
namoyon bo`ladi. Kovak chegaralari tekis bo`lmaydi. Bu xol ayniqsa tishlarning 
kontakt yuzalaridagi karioz kovaklarning rentgen tasvirida yaqqol ko`rinadi. 
Odatda ko`z va asboblar yordamida aniqlanishi mushkul bo`lgan yashirin 
kovaklarni tekshirish maqsadida (kariyes kovak plomba ostida, toj yoki ildizlar 
sohasida, kontakt yuzalarida bo`lsa), rentgen nuridan foydalaniladi. (55,56-
rasmlar).
55-rasm. Kariyes kavagi |76 tishlarning 
bir-biriga qaragan distal va medial 
sathlarida joylashgan 
56-rasm. 6| tishda kariyes kavagining 
namoyon bo`lishi. Shu tishning medial 
(oldingi) ildizi sohasida granulematoz 
periodontit.
Olingan rentgen tasviri kariyes jarayonining qay darajada chuqur 
kechayotganligini ko`rsatadi. Kariyes xastaligining dog`li davrini rentgen tasvirida 
odatda aniqlab bo`lmaydi. Yuza kariyes jarayoni tish qattiq to`qimasining chetida 
joylashgan taqdirda, jarohat zonasi aniqrok ko`rinadi. O`rta va chuqur kechuvchi 
kariyesda emal va dentin to`qimasida hosil bo`lgan yemirilish aniq va ravshan 
ko`rinadi. Plomba ostidagi ikkilamchi kariyes kovagi aniq ravshan (negativda 
qoraygan dog`, pozitivda rangsiz oqish) bo`shliq sifatida aks etadi. Aynan shunga 
o`xshash tasvirni plomba ostiga ajratuvchi vosita sifatida qo`yilgan tagliklar ham 
hosil qiladi. Ular odatda rentgen nurini qaytarish xususiyatiga ega bo`lmaydi 

---

250 
(kalmetsin, suvli dentin va x. k.) Lekin ikkilamchi kariyes hosil qilgan 
bo`shliqning chegaralari notekis, o`ydim chuqur bo`lishi patologik jarayondan 
darak beradi.