Болалар ёшида учрайдиган тиш каттик

IV sinf kariyesini davolash.
Bu gurux kariyes jarohatlari kurak, qoziq 
tishlarining kontakt yuzasi, tishning kesuvchi qirrasi va burchagini shikastlaydi. Bu 
xastalik sut tishlarida asosan kariyes asorati bo`lmish pulpa yoki periodont 
yallig`lanishi bilan kechadi. Shuning uchun plombalash ishlari endodontik 
davolash tadbirlaridan keyin qiyinchilik tug`dirmaydi. Bunday davolash usullari 
keyingi boblarda tilga olinadi. 
V sinf kariyesini davolash.
Bu guruxga kiradigan jarohatlar hamma sut va 
doimiy tishlarda, tish bo`yin sohasiga yaqin yuzalarni shikastlaydi. Bu turdagi 
jarohatlar 1-3 yashar bolalarda ko`pincha asosan kurak tishlar buyin sohasida 
aniqlanadi. Bunday hollarda kariyes kovagini o`tkir ekskavator yordamida qunt 
bilan qirtishlab, shikastlangan emal va dentin to`qimalaridan tozalash lozim. 
Chunki bu yoshdagi bolalarda bor tig`i bilan kovakka ishlov berish ko`pgina 
hollarda pulpaning ochilib qolish xavfini tug`diradi. Dentin to`qimasini bir qadar 
mikrobsizlantirish (dezinfeksiya) maqsadida kovaklar bir necha xafta mobaynida 
evgenolli (qalampirmunchoq moyi) yoki timolevgenol pastalar bilan vaqtincha 
berkitiladi. Muddat tugagandan so`ng ularni fosfat sementidan tayyorlangan yoki 
boshqa zararli xususiyati bo`lmagan sementlar plombasi bilan almashtiriladi. 
Yumshoq plomba almashtirilayotgan paytda kovaklarga teskari konussimon bor 
yordamida ohista ishlov berish mumkin. Chunonchi, birlamchi quyidagi yumshoq 
evgenolli pasta bir vaqtning o`zida ikkilamchi dentin hosil bo`lishini ta’minlaydi. 
Natijada kariyes kovagining tubi birmuncha qalinlashadi. 
3 yashar va undan katta bolalarda o`rta kariyes kovaklariga bemalol kichik 
o`lchamli teskari konussimon yoki fissur borlar yordamida ishlov berish mumkin. 
Hosil qilingan kovak tubi sathining yuzasi kovakka kirish qismi yuzasidan 
birmuncha kengrok bo`lgani uchun plomba tish devorida uzoq muddat saqlanadi 
(6-rasm, a, b).