Болалар ёшида учрайдиган тиш каттик

Ftorlakni qoplash usuli.
Ftorli lakni tishlar yuzasiga surishdan oldin tishlar 
qatori tish cho`tkasi va pastasi yordamida yaxshilab tozalanadi, paxta tamponlar 
yordamida quritiladi va tish yuzasiga maxsus cho`tkachalar yordamida yupka qilib 
lak yotqiziladi. Lak tez qotishi uchun iliq havo oqimidan foydalanish mumkin. 
Ftorlak 4-5 minut ichida qotadi. Bemorga 12-24 soat ichida suyuq ovqat ichish, 
qattiq narsalarni iste’mol qilmaslik, tishlarni tozalamaslik buyuriladi. 
Ftorli laklar kariyes jadalligini o`sishini 50% ga pasaytiradi. 
Bugungi kunda shunga o`xshash laklarni VOKO firmasi ishlab chiqaradi. 
Mazkur firma preparatlaridan Fluoridin Gel-N5 (Fluoridin Gel N5) tarkibida 5% 
natriy ftor tutadi. VOKO firmasi sintetik smolalar asosida hosil qilingan, tarkibida 
5% ftorid natriy, 6% ftorid kalsiy saklaydigan "Bifluorid-12" lakini tavsiya etadi. 
"Bifluorid-12" tishlarga qoplanganda uning smolali asosi tish sathida bir necha 
kun turadigan plyonka hosil qiladi. So`lak ta’sirida erigan ftor ionlari plyonkadan 
ajralib emal qavatga, singib boradi. Mazkur lak tishlarning ildiz qismi ochilib 
kolganda yoki travma oqibatida emal ko`chib tushgan joylarga surtilganda tish 
sezgirligi keskin pasayganligi aniqlangan. 
Bunda ftoridlar dentin kanalchalarini to`ldirib mineralizatsiyani kuchaytiradi. 
VOKO firmasida "Bifluorid-12" asosida bolalarda kariyes profilaktikasida 
ishlatiladigan rangli indikatorli - "Fluoridin" (Fluoridin) laki ishlab chiqilgan. 
"Fluoridin" va "Bifluorid-12" laklari maxsus texnologiya asosida tayyorlangan 
bo`lib, tarkibidagi ftoridlar zarrachalarini bir tekisda tarqalishini ta’minlaydi. 
Tishga surilganda hosil bo`lgan lakli plyonka uzoq muddat kalsiy ftoridning 
deposi sifatida o`zidan ftor va kalsiy ionlarini ajratib turadi. Bu esa 
gidroksilapatitni ftorapatitga aylanib turishini ta’minlaydi. 
O`tkazilgan tajribalar, tekshirishlar natijasi "Fluoridin" va "Bifluorid-12" 
laklarining xususiyatlari to`g`risida quyidagi xulosani berdi: 
- Tishlar kariyesi profilaktikasi maqsadida va sezgirligi oshganda samarali ta’sir 
ko`rsatadi. 
- Ftoridlar tish qattiq to`qimalariga chuqur singib kirib, kalsiy ftorid deposini hosil 
qiladi. 
- Foydalanish uchun qulay. 
Ma’lumki tishlar chiqqanidan so`ng ularning ohaklanib yetilishi, dentin, emal 
mineralizatsiyasi uzoq muddat (18-19 yoshgacha) davom etadi. Shuning uchun 
bog`cha yoshidan tortib kariyes profilaktikasi-maqsadida ftor tutuvchi vositalardan 
foydalanish maqsadga muvofiq hisoblanadi.