Болалар ёшида учрайдиган тиш каттик

“Colodent Anti Kam”, “Colodent 
Herb-F”
tish yuvish pastalarini ham ishlab chiqaradi. Bu tish pastalari o`z 
tarkibida shalfey, romashka (moychechak) kabi shifobaxsh o`simliklar ekstraktini 
saqlashi tufayli bakterostatik va yallig`lanishga qarshi samarali ta’sir ko`rsatadi. 
Asrlar davomida foydalanib kelinayotgan bu o`simliklar ajratmasi parodontit 
simptomlarini bartaraf qilib, milklardan qon oqishini to`xtatadi. Pastalar 
tarkibidagi ftor elementi emal tashqi qavatini mustahkamlab, tish emalini kariyesga 
nisbatan turg`unligini oshiradi. Mazkur tish pastalaridan 4 yoshdan boshlab 
foydalanish tavsiya qilinadi. 
Sensodyne 
– maxsus ishlab chiqilgan davolovchi – profilaktik tish yuvish 
pastasi bo`lib, insonlarda tishlar sezgirligi oshishi natijasida sodir bo`ladigan 
og`riqlar, noxush xollarni bartaraf qilishda yuqori samaradorlikka ega. 
Sensodin tish pastasining ikki xili ishlab chiqariladi: 
Sensodin-K(klassik) 
tarkibida xlorid stronsiy tutishi ochiq dentin kanalchalarini tezda to`ldirishi 
oqibatida tishlar sezgirligini tezda pasaytiradi. 
Sensodin-F(ftor),
o`z tarkibida kaltsiy xlor tutganligi uchun tashqi 
ta’sirotlarni ichkariga pulpa to`qimasiga o`tkazmaydigan to`siq parda hosil qiladi. 
Ftor elementi tish emalini kariyesdan himoya qiladi. Har ikkala tish yuvish 
pastalarida davolovchi komponentlar borligi, ularni parodont to`qimasini 
yallig`lanish jarayonlaridan himoya qiladi. Sensodin tish pastalrini samaradorligini 
30 yil mobaynida o`rganib, nazorat qilib kelinishi haqiqatan ham mazkur tish 
pastalari giperesteziya – tishlar sezgirligini bartaraf qilishda tengsiz pasta 
ekanligini butun dunyo stomatologlari e’tirof etib kelishmoqda. 
 
1.9.3. Tish tozalash poroshoklari 
Tish tozalash poroshoklari yaqin o`tmishgacha keng qo`llaniladigan gigiyena 
vositasi sifatida foydalanilgan. Tish poroshoklarining asosiy tozalovchi vositasi 
bo`lib, kimyoviy tozalangan cho`ktirilgan bo`r hisoblanadi. Unga hid, ta’m 
beruvchi moddalar qo`shilib poroshok tayyorlangan. 
Tish poroshoklari pastalarga nisbatan abrazivlik hususiyati kuchli bo`lib, 
tishlarni karashlardan yaxshi tozalaydi. Og`izdan noxush hidlarni yo`qotishi 
kuchsizrok. Kamchiliklaridan eng asosiysi tezda mikroblar bilan ifloslanishidir. 
Tish poroshoklari qutichalarda saqlanishi va ular tez-tez ochilab turishi ana shu 
kamchiliklarga imkoniyat yaratadi. Tish cho`tkalari tashqi muhitdan mikrob va 
bakteriyalarni olib kiradi, qutichalar ochilganda esa tashqi muhitdan mikroblar 
tushadi. Ularning to`kilib, sochilishi, safarda olib yurishda noqulayliklar 
tug`diradi.