Бolalar adabiyoti

Yakuniy bosqich (10 daqiqa )

Download 490,68 Kb. bet 5/5 Sana 18.07.2021 Hajmi 490,68 Kb. #122271

Bog'liq
1-амалий BOT

Bu sahifa navigatsiya:

• Uyga vazifa
• Hamza ijodidan namunalar: MAKTAB
• Foydalanish uchun adabiyotlar

3. Yakuniy bosqich (10 daqiqa )	3.1. Oʻquv faoliyat iyuzasidan xulosa bildiradi. 3.2. Mavzular maqsadiga erishishdagi talabalar faoliyatini tahlil qiladi, oʻzlashtira olmagan joylarini qayta oʻqib chiqishni tavsiya etadi.
Uyga vazifani yozib oladilar.

Uyga vazifa: Oʻzbek bolalar adabiyoti yuksalish yoʻlida (1940-80 yillar). G`.G`ulom, Quddus Muhammadiy, Shukur Sa’dulla, H.Nazir, X.To`xtaboyev, N.Fozilov ijodining uslubiy jilolariga doir adabiyotlar bilan tanishish.









Hamza ijodidan namunalar:

MAKTAB
Erur ilmu adab, fazlu hunar osori maktabdan,
Yetar har rutbai oliy esa takror maktabdan.

Hama gulshan uza yomg‘ur yog‘ub chun sabzazor etsa,
Taraqqiy gulshani obod o‘lur anhori maktabdan.

Hama izzu, sharofat ham saodat konidur maktab,
Yetar iki jahonda matlabing zinhor maktabdan.

Qayu millatda maktab o‘lmasa beshak xarob o‘lgay,
Hama millatda shul-chun guftugo‘ bisyor maktabdan.

Hama ilmu maorif ganjini devoridir maktab,
Hama hikmat chiqar bu mahzani asrori maktabdan.

Chiqib turmakda har kun yuz tuman asbob-ashyolar,
Tamoman asli beshak mevai ashjor maktabdan.

Qo‘shar iisop qatoriga qilub insonlarni inson;
O‘qub ilmu adab bo‘lgay kerak hushyor maktabdan.
1914 yil.
O‘QI!
Ko‘zimizga ko‘rinib turgan hama asboblar
Hech biri bo‘lmas edi, gar bo‘lmasa, zinhor uquv.

Yer ichida ko‘milib yotgan hama oltin, kumush
Yuzaga chiqdi bari bois anga axbor, o‘quv...

Gar dilingda o‘ylagan orzuga yetmoq istasang,
Qimmat umring qilmagil behudaga bekor, o‘qi!

Qo‘y o‘yin, sayru tamoshoni, g‘animat yoshliging.
Shum fe’llardan o‘zingii aylagil bezor, o‘qi!

Ey o‘g‘il, dunyoda bo‘lmoq istasang olijanob,
O‘qig‘il maktab kelib, zinhor o‘qi, ming bor o‘qi!
1914 yil.

ILM ISTA
Kim bilurdi odamu olam nadir, hayvon nechik?
Bo‘lmasa erdi agar insonda bu osori ilm.

Qaysi bir mavjuda boqsang bilmoqa kayfiyatin
Lozim o‘lgay topmaqa avval o‘qib axbor ilm...

Olamning xurshidi kundir, odamning xurshidi ilm,
Olamning zulmoti tundir, odamning nodori ilm.

Har murodu maqsadingga yetmoq istarsan murod,
Ko‘z ochib bedor bo‘l, darkor ilm, darkor ilm!

Ul haqiqat oyiniga sayqal istarsan Nihon
Ilm ista, ilm ista, istag‘il zinhor ilm!
1914 yil.

KITOB
Har ko‘ngilning orzusi shul erur obihayot
Qadrini bilgan kishiga, shubhasiz, jondir kitob.

Har murodning boshidir, har muddaoning gavhari,
Har marazlarning shifosi ya’ni luqmondir kitob.

Ko‘zni nuri, dil huzuri, dillaring darmonidir,
Har qorong‘u dilga go‘yo mohitobondir kitob.

Har balodan asrag‘uchi eng muhim qimmat yarog‘.
Tiri vahshat, xanjari zillatga qalqondir kitob.

Har kishi yoshlikda qilsa ozgina g‘ayrat agar,
Tez zamonda oshno bo‘lmog‘i osondir kitob.
1914 yil.
Savol va topshiriqlar:

1. Ma’lumki, fors-tojik shoiri Sa’diy Sheroziyning “Bo`ston” va “Guliston” asarlari yuzlab yillar davomida eski maktablarda asosiy darslik vazifasini o`tagan. Bu asarlarning kimlar tomonidan qilingan tarjimalarini bilasiz?

2. So`zing bo`lsa kumush, jim turmak oltun, Misi chiqg`ay so`zing ko`p bo`lsa bir kun, – misralarining ma’nosini tushuntiring va baytda qo`llanilgan badiiy san’at turiga e’tibor qiling.

3. Asarda berilgan Temirchining bolasi tarbiyat topsa, bo`lur olim, Buzulsa xulqi, Luqmon o`g`li bo`lsa, bo`lgusi zolim. Yomonlarga qo`shuldi Nuhning o`g`li, bo`ldi beimon, Yururdi Kahf iti xo`blar ila, bo`ldi oti inson, – misralarining mazmunini izohlang.

4. Avloniy qaysi tarbiya turini “..muallimlarning diqqatlariga suyalgan, vijdonlariga yuklangan muqaddas bir vazifadur”, – deb ataydi?

5. Abdulla Avloniyning “Tarbiya bizlar uchun yo hayot, yo mamot; yo najot, yo halokat; yo saodat, yo falokat masalasidir” , – degan fikrlarni izohlang.

6.Abdulla Avloniy qaysi asari haqida “Men bu asarimni maktablarimizning yuqori sinflarida ta’lim bermak ila barobar o`lur adabiyot muhiblari – axloq havaskorlarining e’tiboriga taqdim qildim”, - deb yozadi? Sababini tushuntirishga harakat qiling.

7. H.H. Niyoziy ma’rifati. Uning ta’limda joriy etilgan o‘qish kitoblari mohiyati

yuzasidan test topshiriq
Foydalanish uchun adabiyotlar

1. 
   O. Safarov, B.Jamilova, N.Safarova. Bolalar adabiyoti va folklor. –Toshkent: Turon zamin ziyo. 2015.
   
2. 
   A. Avloniy. Tanlangan asarlar. 1–2-jildlar. – T.: «Ma’naviyat», 2006.
   
3. 
   Matchonov S. Bolalar adabiyoti. –T.; TDPU, 2009.
   
4. 
   Jumaboyev M. Bolalar adabiyoti. –T.; O’qituvchi, 2001.
   

Download 490,68 Kb.

Do'stlaringiz bilan baham: