Бола – одоби билан азиз (Фарзанд тарбиялашда ота-оналарга маслаҳатлар) Нашрга тайёрловчи: Зиёвуддин Раҳим

Болалар луғати
Эзгулик йўли
– яхшиликка йўлловчи йўл.
Хайрия ишлари
– саховат, эҳсон, муҳтожларга 
ёрдам қилиш.
Қадрига етиш
– аҳамият бериш, эъзозлаш, бирон 
нарса ёки кимсанинг ҳурматига яраша муомалада 
бўлиш.
Фойдали насиҳатлар
1. Шамини кундузи ёндирган одамнинг туни 
қоронғу бўлади.
2. Пулини беҳуда исроф қилган одам оғир кун-
ларда хор-зор бўлади.
3. Муҳтож бўлмаганга садақа бериш исроф 
ҳисобланади.
4. Вакиллари исроф касаллигига йўлиққан миллат шубҳа 
йўқки, бало ва ҳалокатга учрайди. Агар дунё тарихига назар 
солсангиз, дунёдаги қавмларнинг нобуд бўлиш сабабларидан 
бири шу исрофгарликдир.
Бахилликдан узоқ бўлинг!
урматли болажонлар, юқорида неъматлардан тежам-
корлик билан фойдаланиш лозимлиги ва исрофдан 
сақланиш кераклиги айтилди. Баъзи инсонлар тежамкорликни 
бахиллик ва исрофни сахийлик, деб тушунадилар. Бу нотўғри 
тушунчадир. Чунки тежамкорлик ҳеч қачон бахиллик санал-

---

– 125 –
майди. Тежамкор беҳуда сарф-харажатдан сақланувчи, фақат 
энг керакли нарсалар учун пул ва бошқа нарсаларни ишлатувчи 
кишидир. Бахил эса энг керакли жойларга ҳам пул ишлатишни 
хоҳламайди. Тежамкорлик мақталган хислатдир. Бахиллик эса 
қораланади. Болалар, мана шу фарқни яхши ажратиб олинглар.
Яна бошқа одамлар исрофни сахийлик билан чалкашти-
риб юборадилар. Исроф неъматларни беҳуда сарфлашдан 
иборат бўлиб, албатта бу қораланган хислатдир. Сахийлик 
эса бағрикенглик бўлиб, пулни лозим бўлган миқдордан би-
роз кўпроқ сарфлашни билдиради. Шунингдек, қарз олган 
одам қарзини тўлашга қийналиб қолганда ҳам унинг мудда-
тини узайтириш ё бўлмаса, қарзидан кечиб юбориш ҳам са-
хийликка киради. Сахийлик зинҳор исроф эмас.