Бола – одоби билан азиз (Фарзанд тарбиялашда ота-оналарга маслаҳатлар) Нашрга тайёрловчи: Зиёвуддин Раҳим

Kichikning o‘zidan kattani hurmat qilishi
va kattaning o‘zidan kichikka mehribonligi
y farzand, o‘zingdan yoshi katta kishilarni hurmat 
qil va o‘zingdan kichiklarga mehribon bo‘l. Shunday 
qilsang, qariganingda senga mehribonlik qiladigan va ojiz 
bo‘lib qolganingda senga rahm qiladigan kishilarni uchratasan. 
Kichikning o‘zidan kattani hurmat qilishi va kattaning o‘zidan 
kichikka mehribonlik qilishi go‘zal axloqlardan biridir.
Kichikning o‘zidan kattaga hurmati quyidagi nasihatlarga amal 
qilish orqali bo‘ladi:
1. Avtobus, trolleybus yoki tramvayda tik turishga ojiz kishini 
ko‘rsang, sendan darajasi past bo‘lsa ham o‘rningdan turib unga 
joy ber.
2. Sen taniydigan yoshi ulug‘ kishilarni uchratib qolsang, 
birinchi bo‘lib salom ber.
3. Akalaringni va sendan katta birodarlaringni hurmat 
qil. Shunda ular senga mehribon bo‘lishadi va seni yaxshi 

---

– 257 –
ko‘radilar. Agar senga yaxshilik qilsalar, ularga rahmat aytishni 
unutma.
4. Agar uyda xizmatkorlar bo‘lsa, ularga yumshoq gapir, 
qo‘pollik qilma. Ota-onalarini haqorat qilma va ularni urma. 
Chunki ular ham senga o‘xshagan odam.
5. Jamoat joylariga kirishda yoki chiqishda chiroyli didli va 
odobli bo‘lishga harakat qil. Keksalar va ayollar bilan tiqilishma, 
yo‘l bo‘shaguncha biroz kutib tur.
Kattaning o‘zidan kichikka mehribonligi
1. O‘zingdan kichik ukalaring va singillaringga mehribon 
bo‘l. Holva yoki o‘yinchoqlarni ular bilan baham ko‘r, qizg‘anib 
o‘zingniki qilib olma. Ularning jahlini chiqarma, ular bilan 
janjallashma.
2. Kichkina ukalaringni qo‘rqinchli va bo‘lmag‘ur hikoyalar 
bilan qo‘rqitma.
3. Agar kichik ukalaringning darslariga yordam berishga 
kuching etsa, yordam ber.
Hikoya
smoil odobli o‘quvchi. U o‘zidan kichik ukalari va 
singillarini yaxshi ko‘radi. Har doim birga o‘ynaydi, biron 
narsasini qizg‘anmaydi, mehribonlik qilib, ularni xursand qiladi. 
Yoshi katta bo‘lishiga qaramasdan, ularni o‘ziga yaqin tutadi va 
xuddi tengquridek muomala qiladi. Kunlarning birida singlisi 
qo‘g‘irchog‘i bilan kichkina aravaga o‘tirib, undan bog‘da sayr 
qildirishni so‘radi. U rozi bo‘lib aravani torta boshladi. Bundan 
singlisi juda hursand bo‘ldi, o‘zi ham xursand bo‘ldi. Onasi bu 
holni ko‘rib unga:
– Ey Ismoil, singling xursand bo‘ladigan ishni qilishing juda 
yaxshi. Bu akaning vazifasidir, – dedi.

---

– 258 –