Бола – одоби билан азиз (Фарзанд тарбиялашда ота-оналарга маслаҳатлар) Нашрга тайёрловчи: Зиёвуддин Раҳим

Farzand onaning bir bo‘lagidir!
nalarimiz bizlarni voyaga etkazish uchun mehru 
muruvvatlarini ayamagan, oromidan kechib, kechalari 
uxlamay tarbiyamiz bilan mashg‘ul bo‘ldilar. Xafa bo‘lsak yoki 
ko‘nglimiz bir narsadan ranjib qolsa, atrofimizda parvona bo‘lgan, 
tobimiz qochib qolsa, huzur-halovatini yo‘qotgan ham onadir.
Ona biz uchun bog‘bondir. U doim bizni parvarish qilish payida 
bo‘ladi. Buni tushungan har qanday bola o‘z onasi hurmatini 
barcha narsadan ustun qo‘yadi. Aqlli farzand bir daqiqa bo‘lsa 
ham ona mehrini esdan chiqarmaydi, kichikroq bo‘lsa ham ishga 
qo‘l urganida onani bundan xabardor qilib, uning roziligini oladi. 
Aytgan so‘zlariga quloq solib, maslahatlariga amal qiladi, har vaqt 
onani minnatdor qilishga intiladi. Biz onamizning bir bo‘lagimiz, 
agar biron a’zomiz og‘risa, onamizning tani og‘riydi, agar biz 
xursand bo‘lsak, onamiz ham xursand bo‘ladi. Shunday ekan, 
doim onamizga e’tiborli bo‘laylik, ularni qarovsiz qoldirmaylik, 
hamisha holidan xabar olib turaylik.
Boyish “yo‘li”ni topgan bola
(Ibratli hikoya)
ir bola otasidan bir narsaga pul olib, vaqtidan oldin ishlatib 
qo‘ydi. Yaqinda ta’til boshlanadi. Maza qilolmaydi. Yo‘lini 
topish kerak. Qo‘liga tushgan jurnalda har bir xizmat uchun haq 
to‘lanishi lozimligini o‘qib, ko‘zlari charaqlab ketdi. Bu mantiqqa 
ko‘ra, oilasi uchun qilgan ishlarining har biriga haq olishi kerak! 

---

– 255 –
Do‘kondan non olib kelishni 1000 so‘mga, onasi bilan bozorga 
borib kelishni 2000 so‘mga baholasa, qimmatga tushmaydigandek 
edi. Xuddi shunday qildi. Bir varaqqa oy davomida bajargan 
ishlarini yozib narx qo‘ydi. Umumiy summa 250.000 so‘mni 
tashkil qildi. Xatni sekingina onasining yoniga solib qo‘ydi. 
Boyish yo‘lini topganidan boshi osmonda edi uning!
Ertalab dars stoli ustidan 250.000 so‘m pul va bir xat topdi: 
“O‘lim bilan olishib seni dunyoga keltirganim, yillar bo‘yi ustingni 
toza tutganim, ming bir azob bilan o‘stirayotganimning haqqi – 
faqat sevging va yonog‘ingdan olganim birgina o‘pichdir! Ishlab 
topgan pulingni o‘ynab-kulib ishlat, bolajonim!..”